عدالت و ترقیات حزبی نینگ مسئوللری اسلامی امارت‌دن تشقی سیاستی‌گه اوزگریش کیلتیریشینی سوره‌گن.
عدالت و توسعه حزبی نینگ باشلیغی سید جواد حسینی بوگون خبری بیرییغین‌ده ایتیشیچه، اسلامی نینگ تشقی سیاستینی اوزگریب، مملکت ملی منفعتی‌گه اساس عیار قیلینیشی کیره‌ک.
اونینگ کوپه‌یتیریشیچه، اسلامی امارت نینگ حاکمیت‌گه ایریشگنیدن قریب ۸ آی اوتماقده، بیراق حاضرگی قولنه‌یاتگن سیاستی باعث هیچ بیر مملکت تامانیدن رسمیت‌گه تانیلمه‌گن دیر.
بیزلرنینگ فیسبوک صحیفه‌میزگه باش اورینگ!
او قیزلر نینگ مکتب‌لری یاپیق قالگنی، بشر حقوقی وضعیتی و برچه شمول حکومت تشکیل ایتیلیشی‌گه اشاره قیلیب ایتیشیچه، اسلامی امارت دنیا نینگ افغانستان ملی منفعتی‌گه تیگیشلی بولگن ایستکلرینی عملگه آشیرمه‌گن.
«افغانستان تشقی سیاستی عقلانیت، تدبیر، بیلیم، خلق‌ارا آگاه‌لیک، تعامل و افغانستان ملی منفعتی نظرده توتیلیب تعریف و عملی قیلینیشی کیره‌ک.»
عین‌حالده، خلق‌ارا مناسبت بوییچه تحلیلچی و سیاسی ایش بیلرمان، طارق فرهادی نینگ سلام‌وطندارگه ایتیشیچه، اسلامی امارت، بیرگن وعده‌لرینی عملگه آشیرمه‌گنی باعث دنیا جماعه‌سی نینگ آلدیده اعتبارینی قولدن بیرگن.
«افغانستان امتیازی حاضر دنیا جماعه‌سی آلدیده توگه‌گن، کریدت بیره‌یاتگ کیشی یوق منه‌بو کتته بیر قیینچیلیک دیر.»
شونده‌ی بیرحالده، اسلامی امارت مسئوللری نینگ ایتیشلریچه، اولرنینگ تشقی سیاستی جانلی و متحرک دیراولر کوپینچه مملکت‌لر بیلن ارتباطده‌لر.
بیزلرنینگ توییترده هم تعقیب قیلینگ!
اسلامی امارت سوزلاوچیسی بلال کریمی، سلام وطندار بیلن اوتکزگن صحبتی‌ده ایتیشیچه، اسلامی امارت مسئوللری نینگ تشقی میدیالرگه حضور تاپیشی و دیپلومات‌لری نینگ بیرقطار مملکت‌لر تامانیدن کوتیب آلینیشی، اسلامی امارت نینگ همه تامانلمه اونملی سیاسیتی نینگ نتیجه‌سی دیر.
ایتیش کیره‌ک دیرکه دنیاجماعه‌سی اوتگن ۸ آی آقیمیده افغانستانده ۳ میلیارد دالرگه یقیین انسان‌سیورلیک یاردم بیرگن، شونده‌ی بولسه هم افغانستانده سیاسی و اقتصادی بحران نسبی ثبات‌گه ایریشمه‌گن دیر.
