جوزجان محلی مسوول‌لری نینگ ایتیش‌لریچه، طالبان گروهی شبرغان شهری نینگ بیرقطار قیشلاقلریده حضور تاپگنیدن سونگ، عایله‌لرنی زوردن کوچی‌ریب و بوتون امکانیت‌لرینی آله‌دی.
جوزجان حاکمی محمدهاشم رییس نینگ ایتیشیچه، طالبان گروهی نظارت‌لریده بولگن منطقه‌لرده اهالی‌گه قرشی هیچ‌قنده‌ی ظلم و زوروانلیکدن قول تارتمه‌یدی و کوزلری اهالی نینگ سوو و آوقاتلریگه دیر.
محمدهاشم رییس گه کوره، طالبان گروهی کونده اونلرچه عایله‌نی زوردن کوچ بیره‌دی و اولرنینگ ایکینچی‌لیک درآمدلرینی زوردن آله‌دی.
سلام‌وطندار اوزبیک بولیمی‌نی فیسبوک‌ده تعقیب قیلینگ
جوزجان حاکمی نینگ کوپه‌یتیریشیچه، طالبان گروهی شبرغان شهری نینگ قیشلاقلریده اهالی نینگ ایکین‌زارلری و اوی‌لرینی تخریب قیلیب و اهالی‌گه قرشی چیکلاو یره‌تگن.
طالبان تامانیدن کوچ بیریلگن کیشی‌لرنینگ ایتیش‌لریچه، شبرغان شهری اطراف‌لریده طالبان نینگ حضوری سبب، وضعیت یمان بولگن.
اوی‌لریدن آواره بولگن کیشی‌لرگه کوره، طالبان اهالی نینگ اوی و باغ‌لریدن سنگر صفتیده فایده‌لنه‌دی و اهالی‌نی نقده پول و مهمان‌لیک بیریش‌گه مجبور قیله‌دی.
بیزلرنی توییتر ده تعقیب قیلینگ
اولرنینگ ایتیش‌لریچه، اوشبو گروه جنگریلری قیشلاقلرده هجوم قیلیش بیلن اهالی نینگ بوتون آذیق-آقات‌لرینی زوردن آلگن و قرشی کیلگن کیشی‌لرنی جزالنتیرگن.
طالبان گروهی حاضرگه‌قدر بوتوغریده فکر بیلدیرمه‌گن.
ایتیلیشیچه اوروش شبرغان شهری نینگ دروازه‌لریگچه کیلگن و حاضرگه‌قدر ناتینچلیک‌لرگه توسیق بولیش و طالبان نی نابود قیلیش اوچون امنیتی کوچلر تامانیدن حربی عملیات یولگه قوییلمه‌گن.
