جوزجان ایکینچیلیک، سوغاریش و چاروه‌چیلیک ریاست مسئوللری نینگ ایتیشلریچه، اوشبو ولایتده اوتگن ییل گه نسبتن پیاز حاصلی کوزگه کورینرلی درجه ده آشگن.
جوزجان ایکینچیلیک، سوغاریش و چاره‌وچیلیک مسئوللری گه کوره، اوتگن ییل گه قره‌گنده پیاز نرخی ایکی برابر کوپه‌یگن.
جوزجان ایکینچیلیک، سوغاریش و چاره‌وچیلیک باشلیغی عبادالله انصار نینگ سلام‌وطندار گه ایتیشیچه، بو ییل پیاز حاصلی ۵ مینگ ۵۴۴ تُن گه ایته‌دی، عین‌حالده اوتگن ییلی پیاز حاصلی ۴ مینگ ۲۰ تُن ایدی.
جناب انصار گه کوره، بو ییل ۳۰۸ هکتار و اوتگن ییلی ۲۶۸ هکتار ییر ده پیاز ایکیلگن ایدی.
بیزلرنینگ فیسبوک صحیفه‌میزگه باش اورینگ!
جوزجان ایکینچیلیک، سوغاریش و چاروه‌چیلیک باشلیغی، مذکور ولایتده پیاز حاصلی کوپه‌یش سببینی آب و هوا مناسب‌لیگی عنوان قیله‌دی.
جوزجان دهقان‌لریدن بیر قطاری، پیاز حاصلی کوپه‌یشی و بازارده نرخی یخشی‌لیگیدن خورسندلیک قیلیب ایتیشلریچه، بو ییل پیاز حاصلی و سوداسیدن یخشی درآمد قیلگنلر.
جوزجان ده‌گی دهقان‌لردن نصرالله گه کوره، اوتگن ییل گه نسبتن پیاز حاصلی آشگن.
جوزجان یشاوچیلری نینگ ایتیشلریچه، پیاز حاصلی کوپه‌یشی و بازارده نرخی یخشی‌لیگی، دهقان‌لر نینگ اقتصادی کوچلنیشی گه یاردم بیره‌دی.
بیزلرنینگ توییترده هم تعقیب قیلینگ!
جوزجان ده‌گی دهقان‌لردن باشقه بیری هزار گل گه کوره، بو ییل ایکی هکتاردن آرتیق ییرده پیاز ایکن ایدی که اوندن یخشی درآمد قیلگن.
اونینگ کوپه‌یتیریشیچه، اوتگن ییلی پیاز ایکینیدن ۷۰۰ مینگ افغانی زیان کورگن ایدی، بیراق بو ییل پیاز ایکینیدن ۳۰۰ مینگ افغانی درآمد قیلگن.
جوزجان ایکینیچلیک، سوغاریش و چاروه‌چیلیک ریاست مسئوللری نینگ ایتیشلریچه، مذکور ولایت نینگ ۸۰ فایز دن آرتیق اهالیسی دهقانچیلیک و چاروه‌چیلیک ایشلری بیلن شغلنماقده و عایله‌لری نینگ خرجتینی اوشبو یول آرقه‌لی تأمینله‌یدیلر.
