سیاسی، اجتماعی، اقتصادی، تاریخی، ادبی، دینی و علمی بولیم‌‌لرده ۲۵ مینگ جلد گه ایگه بولگن اوشبو کتابخانه، بوگون محلی مسئوللر، مدنیت‌چیلر و ییگیت‌لر نینگ حضوری بیلن افتتاح بولگن.
جوزجان معلومات و مدنیت ریاست رئیسی مولوی سیف‌الدین معتصم، مذکور کتابخانه نینگ آچیلیش مراسمی‌ده ایتگن که، یاشلرنی کتاب و مطالعه گه ترغیب قیلیش مقصدیده اوشبو کتابخانه نی آچگنلر.
جوزجان معلومات و مدنیت ریاست رئیسی گه کوره، سونگی کون‌لرده اوقووچیلر و طلبه‌لر نظیری کوریلمه‌گن درجه‌ده کتاب اوقیش گه قیزیققن‌لر.
جوزجان نینگ حج و اوقاف، معارف و امر بالمعروف و نهی عن‌المنکر ریاستی‌لریده مسئوللر، اوشبو ولایت نینگ معلومات و مدنیت ریاستی تامانیدن مذکور کتابخانه نینگ آچیلیگنیدن خورسند‌لیک بیلدیریب و اوشبو کتابخانه نینگ کتاب و مطالعه گه قیزیققن ییگیت‌لر و یاش ییگیت‌لر اوچون فایده‌لی و اونملی دیگن‌لر.
بیزلرنینگ فیسبوک صحیفه‌میزگه باش اورینگ!
جوزجان حج و اوقات ریاست رئیسی مفتی هدایت‌الله ولید، اوشبو کتاب نینگ آچیلیگنیدن خورسند‌لیک بیلدیریب و ییگیت‌لر و یاش ییگیت‌لردن بیلیش سطح‌لری نی یوقاری ایلتیش‌لری اوچون کتاب اوقیش و مطالعه گه یوز کیلتیریشلری نی ایسته‌گن.
جوزجان معارف ریاست رئیسی محمدطاهر جواد نینگ ایتیشیچه، اوشبو کتابخانه نینگ آچیلیشی بیلن اوقووچیلر و طلبله‌لر کوپراق کتاب اوقیش گه ترغیب بولیش‌لری ممکن.
جوزجان معارف رئیسی گه کوره، ییگیت‌لر و یاش ییگیت‌لردن کوپ قطاری مالی امکانیت‌لری یوقلیگی سبب، کتاب آلالمس ایدیلر که حاضر ایسه اوشبو کتابخانه نینگ آچیلیشی بیلن علم و کتاب اوقیش گه علاقه‌مند بولگن کیشیلر اوچون جوده‌یم یخشی بولگن.
مذکور کتابخانه نینگ آچیلیش مراسمی گه اشتراک قیلگن امر بالمعروف و نهی عن‌المنکر ریاست رئیسی محمدیاسین وقاص نینگ ایتیشیچه، اسلامی امارت علم و دانش بیلن اولکه ییگیت‌لری نینگ تربیه‌سی خصوصیده‌گی پلان و برنامه‌لری نی عمل گه آشیرگن و شونینگدیک بوندن کیین هم بو توغریده سعی و حرکت قیلیش‌لری ممکن.
بیزلرنینگ توییترده هم تعقیب قیلینگ!
جوزجان معلومات و مدنیت ریاستی نینگ گردشگرلیک و مدنیت آمری احمدشاهرخ جوینده نینگ ایتیشیچه، مذکور بویوک کتاب‌خانه‌ده تورلی ۲۵ مینگ کتاب بار و شونینگدیک اوشبو کتابخانه نی باییتیش اوچون سعی و حرکت نینگ دوامی بار.
جوزجان معلومات و مدنیت ریاستی نینگ گردشگرلیک و مدنیت آمری گه کوره، شونینگدیک درزاب و آقچه تومن‌لریده هم اوشبو کتابخانه نینگ نماینده‌لیگی بار و کتاب اوقیش گه قیزیققن‌لر یوزی گه آچیق دیر.
سونگی کون‌لرده اوشبو ولایت ییگیت و یاش ییگیت‌لری نینگ کتاب اوقیش گه علاقه‌لری کوپه‌یگنی بیرحالده، اوشبو بیانات مطرح بولگن.