جوزجان حاکمی داملاشعیب رسالت نینگ سلام‌وطندار گه ایتیشیچه، اوشبو ولایت نینگ فیض‌آباد تومنی «بالا مردیان» قیشلاغیده یانغین باعث زیان کورگن عایله‌لرنی تیکشیریشدن کیین، اولر گه اسلامی امارت رهبریتی همکارلیگی بیلن نقد پول توزیع قیلگنلر.
جوزجان حاکمی گه کوره، یانغین باعث کوپ مالی زیان کورگن عایله‌لر گه نقد پول توزیع بولگن.
جناب رسالت نینگ کوپه‌یتیریشیچه، حاضر جوزجان ولایتی نینگ فیض‌آباد تومنی «بالا مردیان» قیشلاغیده‌گی یانغین نیچه هفته دن بویان توخته‌گن.
بیزلرنینگ فیسبوک صحیفه‌میزگه باش اورینگ!
اوشبو یاردم‌لردن فایده‌لنگن بالا مردیان قیشلاغی یشاوچیلری، مذکور قیشلاق ده نیچه هفته دن بویان یانغین بوتونلی توخته گنینی معلوم قیله‌دیلر.
جوزجان ولایتی فیض‌آباد تومنی بالا مردیان قیشلاغی یشاوچلری نینگ ایتیشلریچه، یانغین باعث آغیر مالی زیان کورگنلر شونی اوچون انسان پرور نهادلردن اولرگه یاردم بیریش‌لرینی طلب قیلیشه‌دی.
بیزلرنینگ توییترده هم تعقیب قیلینگ!
جوزجان ولایتی خواجه دوکوه تومنی اولسوالی مولوی عبیدالله، که فیض‌آباد تومنی بالا مردیان قیشلاغی اصلی یشاوچیسی دیر ایتیشیچه، بوگون ۹۰ عایله گه قریب ۲ میلیون افغانی نقد پول توزیع بولگن.
جوزجان ولایتی خوفسیزلیک مسئوللری نینگ معلوماتی اساسیده، اوشبو قیشلاق ده ۱۲۴ یشش اوی بوتونلی و قسمی شکلده آلاو آلگن.
