جوزجان ولایتی فیض‌آباد تومنی «بالا مردیان» قیشلاغی یشاوچیلریدن بیر قطاری، ایکی هفته اوتیشیدن سونگ، عادی و قیسی واقعه یوزبیرمسدن کون‌نی اوتکزدیلر.
جوزجان ایش و اجتماعی ایشلر باشلیغی نورالله مسافر که بالا مردیان قیشلاغی یشاوچیسی دیر، سلام‌وطندار گه ایتیشیچه، اوشبو قیشلاق ده‌گی یانغین توخته‌گن و یالغیز بیر سطحی مورد رویخط گه آلینگن که خواطرلی ایمس دیر.
بیزلرنینگ فیسبوک صحیفه‌میزگه باش اورینگ!
جناب مسافر نینگ ایتیشیچه، بالا مردیان قیشلاغی یشاوچیلری نیچه کوندن سونگ، بوگون (پنجشنبه، ۲۷ اسد) نی تینچلیک بیلن اوتکزدیلر.
جوزجان امنیه قوماندانی نینگ سوزلاوچیسی عبدالستار حلیمی، مذکور ولایت نینگ بالا مردیان قیشلاغیده یانغین توخته‌گنینی تصدیقله‌یدی.
تصدیقلنگن معلومات‌لر اساسیده، ۱۲۲ یشش اوی، حیوان‌لر تامی، یاغاچ تامی و سامان‌خانه بوتونلی یا قسمی شکلده آلاو آلگن و ۸۰۰ عایله آواره بولیشگن.
بیزلرنینگ توییترده هم تعقیب قیلینگ!
باشقه تاماندن جوزجان یشاوچیلریدن قطاری، یانغین باره‌سیده تدقیقات بولیب و نتیجه‌سی محل یشاوچیلری بیلن شریک قیلینیشینی ایسته‌یدیلر.
