قطر ده جهان کپی مسابقه‌لری دوام ایتر ایکن بوگون تورت مهم مسابقه بولیب اوته‌دی.
فوتبال جهان کپی رقابت‌لری ایکینچی هفته‌سی یکونیده بوگون (دوشنبه، ۷ قوس) کامرون و صربستان؛ افغانستان وقتی بیلن ساعت ۲:۳۰ ده؛ جنوبی کوریا و گانا ساعت ۵:۳۰ ده؛ برزیل و سوئیس ساعت ۸:۳۰ ده و نهایت بیش آلتین توپ غالبی کریستیانو رونالد هم‌تیمی‌لری اروگوئه تیرمه جماعه‌سی بیلن کیچه ساعت ۱۱:۳۰ ده قرشی لشه‌دی.
بیزلرنینگ فیسبوک صحیفه‌میزگه باش اورینگ!
شونینگدیک ۲۰۲۲_ییل قطر جهان کپی اویین‌لریده، اوتگن کون جاپان ۱:۰ حسابی بیلن کاستاریکا برابری ده مغلوب بولدی، شوکبی مراکش ۲:۰ حسابی بیلن بلژیک تیرمه جماعه‌سی برابریده غلبه قازاندی، کرواسی ایسه ۴:۱ حسابی بیلن کانادا نی مغلوب قیلیب و نهایت اسپانیا و جرمنی تیرمه جماعه‌لری ۱:۱ مساوی قیلیب و هیچ بیری کیینگی دور گه یول تاپیش نتیجه‌سیگه ایریشه آلمه‌دیلر.
قطرده ۲۰۲۲_ییل فوتبال جهان کپی مسابقه‌لری باشله‌نیشیدن حاضرگچه یالغیز فرانسه تیرمه جماعه‌سی کیینگی دور گه یول تاپیشنی نهایی قیلگن و برچه قالگن اولکه‌لر ایسه حاضرگچه کیینگی دور گه یول تاپیشنی نهایی قیلیشه آلمه‌گن.
بیزلرنینگ توییترده هم تعقیب قیلینگ!
جهان کپی مسابقه‌لری اوچینچی هفته‌سیده ایرته تورت مسابقه بولیب اوته‌دی، اکوادور و سنگال؛ هالند و قطر؛ ایران و امریکا همده ولز و جرمنی تیرمه جماعه‌لری بیر_بیری بیلن رقابت قیله‌دیلر.
۳۲ مملکت نینگ اشتراکی بولگن جهان کپی مسابقه‌لری، قطر میزبان‌لیگی بیلن اوشبو آی ۲۷ قوس گچه دوام تاپه‌دی.