هر کونی پاکستان دن مینگلب قاچقین افغانستان گه جبر دن قیتیریلماقده ایکن، بیراق اوشبو قاچقین‌لردن بیرقطاری نینگ ایتیشلریچه، یوزلب مینگ کلدارلیک ماللری پاکستان ده قالگن.
پاکستان دن افغانستان گه قیتگن قاچقین‌لردن محمدحسین گه کوره، ۱۱ میلیون دن آرتیق کلدارلیک مالی و امکانیتی پاکستان ده قالگن.
او نینگ کوپه‌یتیریشیچه: «سیالکوت ده اویی‌میز بار ایدی او ییردن قولگه آلدیلر، نانوایی ده ایشلر ایدیم قالدی، ییتتی یریم مینگ کلدارلیک اون ساتیب آلگندیم او هم قالدی، یشش اویی‌میز ۱۰ میلیون و ۵۰۰ مینگ کلدارلیک ایدی.»
بیزلرنینگ فیسبوک صحیفه‌میزگه باش اورینگ!
پاکستان دن افغانستان گه قیتگن قاچقین‌لردن رحمت‌الله گه کوره: «۸۰۰ مینگ کلدارلیک اویی‌میز قالدی، ییرینی ساتیب آلیب قورگن ایدیم.»
اسلام امیرلیگی پاکستان دن افغانستان‌لیک قاچقینلر نینگ مال و امکانیت‌لرینی قانونی روشده انتقال بیریش اوچون بیر کمیته تشکیل ایتگنیدن خبر بیره‌دی.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه، بو کمیته قاچقینلر نینگ قیینچیلیک‌لرینی تیکشیریش و ماللرینی انتقال بیریش مقصدیده تشکیل ایتیلگن.
او نینگ کوپه‌یتیریشیچه: «پاکستان دن اولکه گه قیتگن قاچقینلر نینگ قیینچیلیک‌لرینی تیکشیریش و پاکستان دولتی بیلن مذاکره قیلیب اولر نینگ ماللرینی قانونی روشده انتقال بیریش مقصدیده بیر کمیته تشکیل ایتیلگن.»
برچه‌سی بیلن، پاکستان ده افغانستان ایلچیخانه‌سی نینگ سلام‌وطندار گه ایتیشیچه، پاکستان دولتی اوتگن ۴۰ ییل ده پاکستان ده سرمایه یاتقیزگن افغانستانلیکلر گه، یالغیز ۵۰ مینگ کلدار نی انتقال بیریش گه ایزین بیره‌دی.
بیزلرنینگ «ایکس» ترماغی ده هم تعقیب قیلینگ!
پاکستان ده افغانستان ایلچیسی سردار احمد شکیب گه کوره: «افغانستانلیکلر ۴۰ ییل دن آرتیق پاکستان ده یشه‌گن، بیری سوداگر، بیری دکاندار، بیری دهقان، بیری سرمایه یاتقیزیب ایشخانه تشکیل ایتگن ایدیلر، پاکستان دولتی قاچقینلر گه ۵۰ مینگ کلدار دن آرتیق انتقال بیره آلمسلیک‌لرینی ایتگن، پاکستان دن بوتوغریده بیز گه ایضاح کیریتیشنی سوره‌دیک لیکن حاضرگچه ایضاح کیریتمه‌گن.»
ایتیش کیره‌ک، پاکستان ده افغانستان ایلچیخانه‌سی گه کوره، بو مملکت دن افغانستان‌لیک قاچقینلر نینگ چیقریش جریانی باشلنگندن حاضرگچه، ۳۰۰ مینگ کیشی افغانستان گه قیتگن.
بیرلشگن ملت‌لر تشکیلاتی نیچه مرته، پاکستان دن افغانستان گه قیتگن قاچقینلر اوز ماللرینی بو مملکت ده قالدیریب و اوزلری بیلن هیچ نرسه آلیب کیلمه‌گنلریدن آگاه‌لنتیرگن.
