اسلام امیرلیگی افغانستان ده خوفسیزلیک برقرار ایتیلیشیدن سوز یوریتماقده ایکن، ینگی‌لیکده امریکا تشقی ایشلر وزیرلیگی اوشبو مملکت فقرالریدن افغانستان گه سفر قیلمسلیک‌لرینی سوره‌گن، چونکه اوشبو وزیرلیک نینگ ایشانچی گه کوره، افغانستان ده عصیانچی گروه‌لر نینگ تهدیدی و امریکا یشاوچیلری نینگ قولگه آلینیش احتمالی موجود دیر.
بوندن آلدین آسترالیا کبی قطار اولکه‌لر، فقرالریدن افغانستان گه سفر قیلمسلیک‌لرینی سوره‌گن ایدی.
اوتگن کون، مسکو ده جمعی خوفسیزلیک کیلیشوو تشکیلاتی نینگ پارلمانی ۱۶-ییغیلیشی ده، افغانستان ده عصیانچی گروه‌لر نینگ تهدیدلریدن خواطر بیلدیریلگن.
بیزلرنینگ فیسبوک صحیفه‌میزگه باش اورینگ!
مذکور ییغیلیش دن ترقه‌لگن گزارش‌لر اساسیده، ارمنستان، بلاروس، قزاقستان، قیرغزستان و تاجیکستان شامل اوشبو تشکیلات باش کاتبی ایمانقلی تاسماگامبتوف، افغانستان ده عصیانچی گروه‌لر نینگ تهدیدی و بو مملکت ده کینگ کولمده قورال و بنگی‌وار ماده‌لر قاچاق ایتیلیش خوفی موجود دیر.
بیراق، اسلام امیرلیگی سوزلاوچیسی ذبیح‌الله مجاهد افغانستان خوفسیزلیک وضعیتی گه دایر منفی قضاوت‌لرنی اساس‌سیز دیب ایتیشیچه، سونگی آی‌لرده افغانستان گه سفر قیلگن ۸۰ مینگ خارجی هیچ خوفسیزلیک تهدید بیلن روپه‌ره بولمه‌گن.
مجاهد نینگ سلام‌وطندار گه ایتیشیچه: «سونگی آی‌لرده افغانستان ده ۸۰ مینگ خارجی جمله دن سیاح‌لر، ژورنالیست‌لر، موسسه‌لر ایشلاوچیلری و سوداگرلر کیلدیلر و افغانستان برچه منطقه‌لری گه یوریدیلر، بیراق هیچ‌کیم گه زیان ییتیشمه‌دی، بوکبی قضاوت‌لر ناتوغری و اساس‌سیز دیر.»
بیراق ایش بیلرمان‌لر نینگ ایشانچی گه کوره، افغانستان ده دهه‌لردن بیری اوروش دوام تاپیشی اوچون، دنیا حاضرگچه بو مملکت ده عصیانچی گروه‌لر نینگ یوق بولیشیگه ایشانمه‌یدی.
بیزلرنینگ «ایکس» ترماغی ده هم تعقیب قیلینگ!
شونینگدیک اولر، افغانستان خوفسیزلیک وضعیتی گه دایر خواطرلردن تنقید قیلیب ایتیشلریچه، اولکه‌لر سونگی ایکی ییل ده افغانستان ده‌گی وضعیت و خواطرلر حلی اوچون عملی روشده تلاش قیلیشمه‌گن.
اسلام امیرلیگی افغانستان ده عصیانچی گروه‌لر یوق بولیشیدن ایشانچ بیرسه ده، بیراق قوشنی، منطقه و دنیا بویلب اولکه‌لر افغانستان نینگ خوفسیزلیک وضعیتی و عصیانچی گروه‌لر نینگ تهدیدی دن خواطر بیلدیریب کیلگنلر.
شو بیلن بیرگه، خلق‌ارا مناسبت‌لر ایش بیلرمانی محمدباقر محسنی گه کوره، افغانستان نینگ نامعلوم وضعیتی دوام تاپیشی، خلق‌ارا بویلب بو مملکت نینگ ایشانچی اوستیگه سلبی تاثیر قیلیب و بو قیینچیلیک‌لر حلی اوچون اسلام امیرلیگی اقدام قیلیشی کیره‌ک.
افغانستان بویلب اسلام امیرلیگی حاکمیتیدن کیین، سونگی نیچه دهه ده‌گی جبهه‌ای اوروش‌لر سیزیلرلی درجه ده کمه‌یگن.
