«آنتالیا دیپلوماسی مجمع ییغینی» جمعه کونی ترکیه نینگ آنتالیا شهریده باشله‌نیب اوچ کون‌دن کیین اوتگن کون یکونلندی. ایش بیلرمان‌لر اوشبو ییغین یولگه قوییلیشی‌نی افغانستان اونیمیگه دیگن‌لر، بیراق بیرقطار خواطرلر موجود که کوزدن یاشیریلمه‌یشی کیره‌ک.
سیاسی ایش بیلرمان جاوید مومند نینگ ایتیشیچه، اوشبو ییغین نینگ اوتگزیلیشی افغانستان اوچون اونملی دیر و مذکور ییغین اوتگزیلیشی بیلن افغانستان کوپینچه یوتوقلرگه قول تاپیشی ممکن. جناب مومند نینگ کوپه‌یتیریشیچه، آمریکا نینگ افغانستان ایشلری بوییچه خاص وکیلی توماس وست صحبتی‌دن معلوم بولیشیچه، آمریکا اسلامی امارت بیلن تعامل قیلیش‌نی ایسته‌یدی و اسلامی امارت‌گه امتیاز بیریشی ممکن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، آمریکا اسلامی امارت‌نی رسمیت گه تانیش احتمالی بار؛ بیراق اونینگ کوپه‌یتیریشیچه، آمریکا اسلامی امارت‌نی رسمیت‌گه تانیش و اوندن سو استفاده قیلیش توغریسیده خواطرلر موجود. اونگه کوره، افغانستان نیچه مراتبه دنیا نینگ بویوک قدرت‌لریگه قربانلیک بولگن دیر.
جناب مومند نینگ کوپه‌یتیریشیچه، اسلامی امارت دنیا و خصوصا آمریکا بیلن تعامل قیلیش توغریسیده جدی توجه قیلیشی کیره‌ک.
جناب مومند نینگ ایتیشیچه: «مهم و ملی مسئله‌لر قربان بولمس‌لیک اوچون بیزنینگ دقت قلیشی میز کیره‌ک و رسمیت گه تانیلیش اوچون برابرلیک‌نی نظرده توتیش درکار. هدف بو دیر که اگرده بیزلر امریکا گه امتیاز بیرسک روسه نینگ عکس‌العملی گه سبب بولیشی ممکن و بو بیز اوچون خطرلی دیر.»
شونده‌ی بیرحالده، اسلامی امارت سوزلاوچیسی اورین باسرلریدن بیری بلال کریمی، آنتالیا ییغینی نینگ افغانستان و منطقه اوچون اونملی عنوان قیلیب ایتیشیچه، مثبت اوزگریش‌لر کیلیشی اوچون امیدوار دیر، جناب کریمی ایشانچ بیریب ایتیشیچه، اسلامی امارت اونده‌ی بیر سیاست‌دن قولنمه‌یدی که قوشنی مملکت‌لرنینگ خواطرلریگه سبب بولسه.
جناب کریمی نینگ کوپه‌یتیریشیچه، او برابرلیک و طرف سیز سیاست گه ایشانه‌دی و دنیا بیلن ملی منفعت‌لرنی نظرده توتیب آلغه باریشی ممکن.
اونگه کوره: «بیز سعی و حرکت قیله‌میز تا بولسه که دنیا مملکت‌لری بیزدن ضرر کورمسه، اسلامی امارت نینگ بوتونلی سیاستی ملی منفعت ومملکت ایرکین‌لیگی‌دن حفاظت قیلیب، دنیا بیلن یخشی معامله قیلیشگه استوار دیر.»
بیزلرنینگ توییترده هم تعقیب قیلینگ!
شونینگدیک، جاری آیده چین مملکتی‌ده افغانستان گه دایر ییغین یولگه قوییلیشی‌گه قرار قلیلینگن و اونگه تشقی ایشلر وزیرلری و منطقه مملکت‌لری اشتراک قیلیشی کوتیله‌دی.
اسلامی امارت تشقی ایشلر وزیرلیگی نینگ ایتیشیچه، افغانستان هیاتی هم اوشبو ییغین‌ده اشتراک قیلیشی ممکن.
