خلق ارا خبرچیلر فدراسیونی نینگ بیر گزارش نشر قیلیب ایتیشیچه، افغانستان طالبان قولیگه سقوط قیلگنیدن سونگ، کمیده ۱۵۳ میدیا فعالیتی‌نی توخته‌تیب و عیال شامل کوپ‌قطار خبرچیلر ایش‌لرینی قولدن بیرگن.
اوشبو فدراسیون، میدیا ایشلاوچی‌لری و خبرچی‌لرگه قرشی زوروانلیک کوپه‌یگنیدن خواطر بیلدیرگن.
خلق ارا خبرچیلر فدراسیونی تامانیدن نشر ایتیلگن گزارش‌گه کوره، افغانستانده خبرچی‌لرنینگ قولگه آلینیشی و قیناققه سالینیشی کوپه‌یماقده دیر. اوشبو نهاد نینگ کوپه‌یتیریشیچه، کابل طالبان قولیگه سقوط قیلگنیدن سونگ، حاضرگه‌قدر میدیا ایشلاوچی‌لریدن ۷ مینگ ته‌سی زیان کورگن.
عین‌حالده، اوشبو فدراسیون، افغانستان سابق حکومتی نینگ قماقخانه‌لریدن کوپ‌قطار محبوس‌لرنینگ آزاد ایتیلیشیدن خواطر بیلدیریب و افغانستانده خبرچیلر و میدیا ایشلاوچی‌لری نینگ جان‌لری جدی تهدید بیلن دوچ کیلگنی‌نی بیلدیرگن.
خلق ارا خبرچیلر فدراسیونی نینگ کوپه‌یتیریشیچه، حاضرگه‌قدر ۱۵۰ دن آرتیق خبرچی بیرلشگن ملت‌لر تشکیلاتی‌گه نامه یوباریب و افغانستان‌لیک خبرچی‌لرنی قوتقریش اوچون سعی و حرکت قیلیشی‌نی سوره‌گنلر.
