اروپا، فرانسه، آلمان، ایتالیا، ناروی، بریتانیا و آمریکا بیرلشمه ایالت‌لری نینگ خاص نماینده‌لری اوتگن کون (جمعه، ۱۹-حمل) قوشمه بیر اعلامیه‌ده ایتگنلر که، بوندن کیین اولر نینگ یاردم‌لری اسلامی امارت نینگ حرکت‌لری گه باغلیق دیر.
اعلامیه‌ده کیلیشیچه، اسلامی امارت عیال‌لر و آزچیلیک قوم‌لر بیلن یخشی مناسبت قیلمه‌یدی. اوشبو اعلامیه‌ده قیزلر نینگ مکتب‌لری یاپیق قالیشی و عیال‌لرگه چیکلاو یره‌تیلیشی گه عاید اسلامی امارت نینگ قراریدن تنقید قیلینگن و اسلامی امارت‌دن عیال‌لر، قیزلر و آزچیلیک قوم‌لر نینگ حقوق‌لرینی رعایت ایتیش اوچون بیرگن وعده‌لری گه عمل قیلیش‌نی سوره‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عیال حقوقی مدافع‌سی و سیاسی مسئله‌لر ایش بیلرمانی عارفه فاطمی نینگ ایتیشیچه، افغانستان‌ده انسانی یاردم‌لر نینگ توخته‌یشی، انسانی فاجعه گه سبب بولیشی ممکن، بیراق اونینگ اورغولشیچه، خاتین قیزلر نینگ حقوقی، دنیا جماعه‌چیلیگی و افغانستان عیاللری نینگ قیرمیزغ چیزیغی دیر.
اونینگ کوپه‌یتیریشیچه: «دنیا جماعه‌چیلیگی و اروپا اتفاقی نینگ شرطی بو دیر که اسلامی امارت انسان حقوقینی رعایت قیلش، اینیقسه افغانستان‌ده عیال‌لر حقوقینی رعایت قیلیش اوچون وعده‌لرینی عمل‌ده ثابت قیلسین. افغانستان‌ده انسان‌دوستلیک یاردم‌لر قید بولگن صورت‌ده، انسانی فاجعه یوز بیریشی ممکن.»
باشقه بیر تاماندن، ایش‌بیلرمان‌لردن باشقه بیر قطاری نینگ ایتیش‌لریچه، اسلامی امارت افغانستان‌ده انسانی فاجعه گه چیک قوییش اوچون دنیا بیلن تعامل قیلیب و یره‌تیلگن فرصت‌لردن قولنیشی کیره‌ک. اولر دنیا جماعه چیلیگیدن افغانستان گه انسانی یاردم‌لر اوچون شرط قویمه‌ی و بیر «انسان» صفتیده اوشبو مملکت اهالی‌سی گه یاردم بیریش‌لرینی سوره‌یدیلر.
بیزلرنینگ توییترده هم تعقیب قیلینگ!
مذکور اعلامیه گه عاید اسلامی امارت نینگ فکری نی آلیش اوچون سعی و حرکت قیلدیک؛ بیراق کیتمه-کیت قونقیراغ‌لر بیلن موفق بولمه‌دیک.
ایتیش کیره‌ک که، اسلامی امارت قدرت گه ایریشگنیدن کیین هم حاضرگچه انسانی وضعیت توغریسیده‌گی خواطرلر حل بولمه‌گن و تورلی نهاد‌لر آرقه‌لی اهالی گه بشری یاردم‌لر بیریلسه‌ده؛ بیراق اسلامی امارت اوشبو وضعیت نینگ قنده‌یلیگی و بشری وضعیت‌ده نیمه اوزگریش کیلگن، حاضرگچه هیچ بیر نرسه دیمه‌گن.
