خلق‌ارا مناسبت‌لر ایشلری بوییچه ایش بیلرمان‌لردن قطاری نینگ ایشانچی گه کوره، اوکراین‌ده اوروش باشله‌نیشی بیلن اوکراین‌لیک لر نینگ باشقه مملکت‌لر گه مهاجرتی باشلنگن. خلق‌ارا مناسبت‌لر ایشلری بوییچه ایش بیلرمان طارق فرهادی نینگ سلام وطندار گه ایتیشیچه، کیله‌سی ۳ ییل‌ده قریب ۵ میلیون اوکراین‌لیک باشقه مملکت‌لر گه آواره بولیش‌لری کوتیله‌دی.
جناب فرهادی گه کوره، اوکراین‌لیک لر نینگ اروپا گه مهاجر بولیشی بیلن، افغانستان مهاجرلری برابریده بویوک اوزگریش یوز بیریشی ممکن. او نینگ اورغولشیچه، بیرقطار اروپا مملکت‌لری روسیه طرفداری و باشقه بیرقطاری ایسه اوکراین طرفداری دیر، شونی اوچون افغانستان برابریده خلق‌ارا مملکت‌لر نینگ دقتی کمه‌یشی ممکن.
بیزلرنینگ فیسبوک صحیفه‌میزگه باش اورینگ!
اونگه کوره: «روس‌لر اوکراین گه کیرگنیدن کیین، اروپا جامعه‌سی اوزگریشی ممکن. اروپا ایچکی آواره‌لر گه روپه‌رو بولیشی کوتیله‌دی و بو موضوع‌لر دنیا جماعه‌چیلیگی نینگ دقتینی جلب قیلیب و افغانستان گه دنیا همجمعیت نینگ توجه‌سی کمه‌یشی ممکن.»
خلق‌ارا مناسبت‌لر ایشلری بوییچه ایش بیلرمان محب‌الله شریف نینگ ایشانچی گه کوره، روسیه و اوکراین اوروشی افغانستان اقتصادی و بوتونلی اوشبو مملکت نینگ وضعیتی اوستیگه سلبی تاثیر قیلیشی ممکن. اونگه کوره، اوکراین بحرانی دستلب اوکراین ده‌گی افغان مهاجرلری نینگ تقدیرسیزلیگیگه سبب بوله‌دی.
جناب شریف، دنیا جماعه‌چیلیگی نینگ افغانستان گه یاردم‌لری کمه‌یشیدن خبر بیریب ایتیشیچه، غرب مملکت‌لری روسیه گه قرشی اتفاق بولیب و اوکراین‌نی اقتصادی، سیاسی و حربی نقطه‌ی نظردن قوللب قوتلش‌لری ممکن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «دنیا دقتی اوکراین وضعیتی گه قره‌تیلیب و افغانستان مسئله‌سی گه بی فرق یانده‌شیلیشی کوتیله‌دی. بونگه علاوه اوروش چوزیلیشی باعث اقتصادی و منطقه‌وی قیینچیلیک، افغانستان گه سلبی تاثیر قیلیشی ممکن.»
روسیه اوتگن هفته پنج‌شنبه اوکراین گه هجوم قیلدی و گزارش‌لر اساسیده، روسیه حربی‌لری اوکراین نینگ اکثر منطقه‌لرینی باسیب آلیب و اوشبو مملکت پایتختی کی‌یف شهری گه یقینلشگن. روسیه و اوکراین حربی کوچلری آره‌سیده اوروش هلیگچه دوام ایتماقده و اونلب حربی و تینچ اهالی نینگ اولیب-یره‌لنیشی گه سبب بولگن. شونینگدیک ترقه‌لگن گزارش‌لر، ایکی تامان آره‌سیده صلح مذاکره‌لری باشله‌نیشیدن خبر بیره‌دی.