پاکستان ارتشی ستاد باشلیغی جنرال قمر جاوید باجوه، اسلام‌آباده اوتکزیلگن خوفسیزلیگ ییغینده ایتیشیچه، افغانستان بیلن همکارلیک بولمه‌گن تقدیرده، قاچقینچیلیک بحرانی نه فقط حل بولمه‌یدی؛ بلکه عصیانچی گروه‌لر گه ۱۱ سپتامبر هجوم‌لرینی عملی قیلیش گه زمینه یره‌تیشی ممکن.
سیاسی ایش بیلرمانلر، پاکستان رسمی‌لری نینگ اوشبو بیاناتینی افغانستان ایشلری گه اره‌لشیش عنوان قیلیب ایتیشلریچه، پاکستان رسمی‌لری افغانستان برابریده ایکی تامانلمه یانده شه‌دیلر. سیاسی ایش بیلرمان حمیدالله هوتک، اسلامی امارت نینگ ایچکی و تشقی سیاستی یوق‌لیگیدن تنقید قیلیب ایتیشیچه، اسلامی امارت نینگ ایچکی و تشقی سیاستی یوق‌لیگی، پاکستان و باشقه قوشنی اولکه‌لر، افغانستان نینگ ایچکی ایشلری گه اره‌لشیشی گه سبب بولگن.
بیزلرنینگ فیسبوک صحیفه‌میزگه باش اورینگ!
جناب هوتک نینگ کوپه‌یتیریشیچه، پاکستان اوزاق زمان‌لردن بویان اوزینی افغانستان دوستی اوله‌راق کورسته‌دی، لیکن باشقه تاماندن افغان‌لر ایاغیدن اوره‌دی. اونگه کوره، اسلامی امارت نینگ ۸ آی‌ده ایچکی و تشقی سیاستی بولمسلیگی، اولر نینگ کوچ‌سیزلیگیدن درک بیره‌دی.
حمیدالله هوتک نینگ ایتیشیچه: «قوشنی اولکه‌لر یا یقین و اوزاق مملکت‌لر، خارجی‌لر گه اسلام آتیگه تانیشتیره‌دی و کیین ایسه داعش آتیده تانیشتیریب و اوز مملکتی‌نی اسلام دوست معرفی قیله‌دی. افغانستان‌نی یینه بیربار دنیا بویلب داعش و ترورچی تانیشتیره‌دی. نیگه بیز ایچکی و تشقی سیاست ایجاد ایته آلمه‌یمیز؟ مین نیچه مراتبه اسلامی امارت رهبرلری بیلن اوچره‌شیب قیسی تامان حرکت‌ده ایکن‌لیکلری و نیمه قیلیش‌لرینی سوره‌گنمن.»
سیاسی باشقه ایش بیلرمان نورشاه نورانی گه کوره، حاضر افغانستانده هیچ بیر ترورچی گروه یوق دیر و پاکستان رسمی‌لری نینگ بیاناتی گه بناً، اولر افغانستانده باشقه پروژه یولگه قوییب و اوتمیش‌لر کبی امنیت آتیدن، خارج‌لردن پول آلیشنی ایسته‌یدیلر.
بیزلرنینگ توییترده هم تعقیب قیلینگ!
اونینگ ایتیشیچه، پاکستان رسمی‌لری اوشبو سوزلری بیلن، اسلامی امارت‌نی کوچ‌سیز اثباتلب و دنیا مملکت‌لری گه افغانستانده ترورچی‌لر باشقه اسم بیلن فعالیت قیله‌دیلر که دنیا اوچون کتته تهدید دیر دیه کورسه‌تیشنی ایسته‌یدیلر.
بو توغریده اسلامی امارت سوزلاوچی‌لری نینگ عکس‌العملرینی اورگه‌نیش اوچون تلاش قیلدیک، لیکن موفق بوله آلمه‌دیک. بوندن آلدین، اسلامی امارت رسمی‌لری چیت ایل مملکت‌لر گه، افغانستانده هیچ بیر ترورچی گروه فعالیت قیلمه‌ی و افغانستان توپراغیدن باشقه اولکه‌لر گه قرشی هجوم بولمسلیگی باره‌سیده ایشانچ بیلدیرگن ایدی.
