اوتگن هفته عطاری-واگه قتناو یولیدن افغانستان گه یوباریلگن هند کمکی بوغدایی نینگ ۵۰ مینگ تُن بیرینچی محموله‌سی، بوگون (شنبه، ۷-حوت) ننگرهار ولایتی تورخم شهرچه‌سی گه ییتیشگن.
طبیعی آفت‌لرنی باشقریش وزیرلیگی نینگ اورین‌باسری شرف‌الدین نینگ ایتیشیچه، ۲۵۰۰ تُن شامل مذکور محموله، ۴۲ لاری آرقه‌لی تورخم شهرچه‌سی گه ییتیشگن. اونگه کوره، قالگن محموله‌لر تیزلیک‌ده تورخم یولی آرقه‌لی افغانستان گه انتقال بیریله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت تشقی ایشلر وزیرلیگی نماینده‌سی مولوی احمد، تورخم شهرچه‌سیده اوشبو یاردم‌لر نینگ تسلیمی مراسمی‌ده، هند دولتی‌دن خورسند‌لیک قیلیب و اوشبو مملکت‌دن افغانستان گه انسان‌دوستلیک یاردم‌لر نینگ کوپه‌یتیریلیشی نی سوره‌گن.
هند کمکی بوغدایی نینگ بیرینچی محموله‌سی، اوتگن هفته سه‌شنبه کونی عطاری-واگه چیگره‌سی آرقلی افغانستان گه یوباریلگن ایدی. هندی رسانه‌لر مذکور مملکت رسمیلریدن نقل قیلیب گزارش بیریش‌لریچه، کمیده ۱۰ مینگ تُن بوغدای نینگ بیرینچی محموله‌سی، هند و پاکستان رسمی‌لری و شونینگدیک دنیا ییمک برنامه نماینده‌لری نینگ حضوری بیلن افغانستان گه یوباریلگن.
بیزلرنینگ توییترده هم تعقیب قیلینگ!
هند و پاکستان، اوشبو یاردم‌لر پاکستان چیگره‌سی آرقه‌لی افغانستان گه انتقال بیریلیشی خصوصیده آی‌لر مذاکره‌دن کیین کیلیشگن‌دن سونگ بو یاردم‌لر افغانستان گه یوباریلگن. هند اوتمیش میلادی ییل نینگ اکتوبر آییده، افغانستانده انسانی وضعیت نینگ یمان‌لنیشی و مذکور مملکت‌ده آچلیک و قوریقچیلیک فاجعه‌سی نینگ کوپه‌یگنی باعث، اوشبو مملکت گه طبی تجهیزات و ۵۰ مینگ تُن کمکی بوغدای نینگ افغانستان گه پاکستان یولی آرقلی انتقال بیریلیشی نی اعلام قیلدی.
