نیمروز معلومات و مدنیت ریاست مسئوللری اوشبو ولایت‌ده گمرک عوایدلری نینگ کوپه‌یگنیدن خبر بیره‌دیلر.
نیمروز معلومات و مدنیت ریاست رئیسی حبیب‌الله الهام نینگ سلام‌وطندار گه ایتیشیچه، افغانستان‌ده اسلامی امارت نینگ قدرت گه ایریشگنیدن بویان، اوشبو ولایت گمرک عایدلری کوپه‌یگن. اونگه کوره، نیمروز گمرکی نینگ کونده‌لیک عایدلری ۲۰ الی ۳۰ میلیون افغانی گه ییتیشه‌دی.
بیزلرنینگ توییترده هم تعقیب قیلینگ!
نیمروز معلومات و مدنیت ریاست رئیسی اوشبو ولایت گمرک عایدلری نینگ کوپه‌یگنی دلیلی نی، اداری فساد نینگ یکونلنیشی و سوداگرلر گه کوپینچه سوداگرلیک آسایشته‌لیکلر نینگ فراهم بولگنی دیگن.
شونینگدیک نیمروز معلومات و مدنیت ریاست مسئوللری نینگ ایشانچ بیریش‌لریچه، اسلامی امارت مملکت سوداگلریدن حمایت قیله‌دی.
شونده‌ی بیرحالده، نیمروز مدنی فعاللریدن قطاری مذکور ولایت گمرک عایدلری نینگ کوپه‌یگنیدن خورسند‌لیک بیلدیریب و مسئوللردن توپلنگن عایدلردن، مملکت نینگ قیته قوریلیشی و ترقیاتی اوچون قوللنیلیشی نی سوره‌گنلر.
بیزلرنینگ فیسبوک صحیفه‌میزگه باش اورینگ!
نیمروز مدنی فعالریدن محمود حمیدی نینگ ایتیشیچه: «عواید نینگ کوپه‌یگنی مملکت آستقورمه‌لری نینگ قیته قوریلیشی اوچون سبب بوله‌دی و اوشبو سرمایه‌لر مملکت نینگ ترقیاتی گه سبب بوله‌دی.»
شونده‌ی بیرحالده، نیمروز معلومات و مدنیت ریاست مسئوللری نینگ ایتیش‌لریچه، حاضر کونده نیمروز نینگ (پل ابریشمی) آقه‌لی ۱۰۰دن آرتیق سوداگرلیک توارلر نینگ موتری مملکت‌دن تشقی گه صادر بوله‌دی.