افغانستان رسانه‌لری و ژورنالیستلر نهادلری فدراسیونی ینگی بیر گزارش‌ده ایتگنلر که، اوشبو نهاد نینگ قول گه کیلتیرگن معلومات‌لری اساسیده، مملکت‌ده اسلامی امارت نینگ قدرت گه ایریشگنیدن حاضرگچه، عیال خبرچیلردن کمیده ۸۰ فایزی ایش‌سیز بولگن.
شونینگدیک اوشبو گزارش‌ده کیلگن که، اوتگن بیر ییل‌ده ۵۵ فایز گه یقین خبرچی ایش‌سیز بولیب و رسانه‌لردن کمیده ۴۰ فایزی یاپیلگن دیر.
افغانستان رسانه‌لری و ژورنالیستلر نهادلری فدراسیونی سوزلاوچیسی محمد‌بشیر هاتف نینگ ایتیشیچه: «دقیق بیرینچی آی‌ده رسانه ایشلاوچیلردن ۴۰ فایری ایش‌سیز بولدی و سونگی کون‌لرده هم رسانه‌لردن بیر قطاری ایشلاوچیلری نی جواب بیرگنلر و ایش‌سیز خبرچیلر سانی گه ۱۰ الی ۱۵ فایز اضافه بولگن. بو آره‌ده عیال خبرچیلردن ۸۰ فایزی ایش‌سیز دیر.»
بیزلرنینگ توییترده هم تعقیب قیلینگ!
مذکور نهاد مسئوللری گه کوره، اقتصادی قیین‌چیلیک‌لر و تشقی نهاد‌لر گه رسانهلر نینگ تیه‌نیشی و سیاسی جریان‌لر رسانهلر نینگ یاپیلیشی گه سبب بولگن اصلی عامل‌لردن دیر.
شونده‌ی بیرحالده، رسانه‌لردن قطاری نینگ مسئوللری سرپرست حکومت تامانیدن خبرچیلر ایشی برابریده وضع بولگن چیکلاو‌لر گه اشاره قیلیب، اوشبو چیکلاو‌لر نینگ حل ایتیلیشینی ایستهگنلر.
رسانه‌لردن بیری نینگ خبر مسئولی عصمت‌الله نیازی نینگ ایتیشیچه: «خبرچی عیال‌لر اسکرین یا-ده ساحه‌ده بولسه‌لر هم کوپینچه قیین‌چیلیک‌لر بیلن روپه‌ره‌لر. نطاق خبر اوقیش جریانیده ماسک تاقیشی کیره‌ک.»
شونینگدیک رسانهلر خبر مسئوللریدن اسد‌الله شریفی نینگ ایتیشیچه: «حکومت نینگ رسانهلر بیلن ایکی تورلی فکر‌لری بولیشی کیره‌ک. بیرینچیسی رقیب و باشقه‌سی ایسه رفیق. یعنی اسلامی امارت مسئوللری رسانهلر بیلن رفیق بولیش‌لری کیره‌ک.»
عین حالده، اسلامی امارت حکومت رسمی‌لری رسانهلر برابریده‌گی قیین‌چیلیک‌لر نی حل بولیشی اوچون مذکور حکومت نینگ سعی و حرکت‌لریدن ایشانچ بیره‌دیلر.
معلومات و مدنیت وزیرلیگی مسئوللری نینگ ایشانچ بیریشیچه، اولر سرپرست حکومت تامانیدن نافذ اعلام بولگن میدیالر قانونی نی، درست بیر شکلده عمل گه آشیره‌دیلر.
بیزلرنینگ فیسبوک صحیفه‌میزگه باش اورینگ!
معلومات و مدنیت وزیرلیگی سرپرستی خیرالله خیرخواه نینگ ایتیشیچه: «اهالی گه شریک قیلینیشی لازم بولگن موردلر یا ده میدیالر نینگ شریک قیلیشی لازم بولگن موردلرنی حل قیلیشیمیز کیره‌ک.»
شونده‌ی بیرحالده، اسلامی امارت سرپرست حکومتی بیر ییل‌دن کیین، رسانهلر تخطی کمیسیونی نینگ قیته آچیلیب فعالیتی‌دن خبر بیرگن.
عین حالده، رسانه‌لردن حمایت قیلووچی نهاد‌لر و رسانهلر مسئوللری شونینگدیک معلومات گه قول تاپیش کمیسیونی نینگ فعالیت گه باشله‌یشی نی ایستهگنلر.
