افغانستان دن بنگی‌وار ماده‌لر قاچاقی کوپه‌یگنی خصوصیده منطقه و قوشنی مملکتلر نینگ خواطرلریدن کیین، اسلام امیرلیگی سرپرست حکومت سوزلاوچیسی اورین‌باسری حمد‌الله فطرت نیچه مرته بو ادعالرنی رد قیلیب و ایتیشیچه، افغانستان ده بنگی‌وار ماده‌لر تولیدی و قاچاقی تقیق‌لنگن.
جناب فطرت گه کوره، اوتگن ایکی ییل‌ده افغانستان ده ۱۵۰۰ بنگی‌وار ماده‌لر انباری و ایشلب چیقریش کارخانه‌سی اورته‌دن کیتکزیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایکی ییل آلدین افغانستان ده ینگی‌وار ماده‌لر ایکیلیشی، تولید بولیشی و قاچاقی منع اعلام بولدی. اوشبو ایکی ییل جریانیده بنگی‌وار ماده‌لر گه قرشی کوره‌ش‌ده قریب ۱۵۰۰ بنگی‌وار ماده‌لر انباری و ایشلب چیقریش کارخانه‌سی اورته‌دن کیتکزیلگن. بنگی‌وار ماده‌لر نینگ ایشلب چیقریلیشی و ایکیلیشی منع بولگن. بنگی‌وار ماده‌لر نینگ تولیدی و ایکیلیشی توخته‌تیلگنی‌ده، بنگی‌وار ماده‌لر انبارلری هم اوز اوزی گه اورته‌دن کیته‌دی.»
شونینگدیک سرپرست حکومت سوزلاوچیسی اورین‌باسری نینگ ایتیشیچه، بنگی‌وار ماده‌لر قاچاقی دنیا بویلب بیر موضوع بولیب و اونینگ آلدی آلینیشی اوچون افغانستان بیلن دنیا همجمعیت نینگ همکارلیک قیلیشی ضرور دیر. «بنگی‌وار ماده‌لر قاچاقی خلق‌ارا بیر خواطر دیر و بو توغریده زیان کورگن منطقه بیلن دنیا مملکت‌لری افغانستان گه بنگی‌وار ماده‌لر قاچاقی آلدی آلینیشی اوچون بیرگه‌لیکده همکارلیک قیلیشلری کیره‌ک.»
باشقه بیر تاماندن، بنگی‌وار ماده‌لر گه قرشی کوره‌ش بیلرمانلریدن قطاری نینگ ایتیشلریچه، بنگی‌وار ماده‌لر قاچاقی خلق‌ارا بیر قیین‌چیلیک بولیب و اونینگ ایکیلیشی و قاچاقی آلدی آلینیشی اوچون افغانستان، منطقه و قوشنی مملکتلر همکارلیگی گه نیازی بار.
بیزلرنینگ «ایکس» ترماغی ده هم تعقیب قیلینگ!
بنگی‌وار ماده‌لر گه قرشی کوره‌ش بیلرمانی محمدابراهیم اظهر ایتیشیچه: «بنگی‌وار ماده‌لر بیلن قرشی کوره‌ش اساسی بیر نیاز دیر که منطقه و دنیا مملکتلر بیلن تعامللر صورت تاپیشی کیره‌ک که استخباراتی همکارلیک‌لر، تخنیکی همکارلیک‌لر و قوشمه حربی عملیات‌لرده قاچاقچیلر و بو توغریده فعالیت قیلگن کیشیلر نینگ اورته‌دن کیتگزه آلسه‌لر.»
ینگی‌لیکده قزاقستان نینگ اعلام قیلیشیچه، روسیه نی اطلاعاتی خذمتلری همکارلیگی‌ده افغانستان دن بو مملکت‌گه قاچاق بوله‌دیگن ۵۰۰ مینگ دالرلیک «حشیش» تیپلی ۵۰ کیلوگرام بنگی‌وار ماده‌لر نی کشف و ضبط قیلگن.