جوزجان ولایتی کینگش اعضالریدن بیرقطاری نینگ ایتیش‌لریچه، قوروقچی‌لیک و ناتینچلیک سبب، اوشبو ولایت مرکزی و تومن‌لریده وضعیت خواطرلنترووچی دیر.
جوزجان ولایتی کینگش عضوی حفیظ‌الله ندرت نینگ ایتیشیچه، قوروقچی‌لیک اوشبو ولایت یشاوچی‌لرینی جدی شکلده تهدید قیله‌دی.
ولایتی کینگش اوشبو عضوی نینگ کوپه‌یتیریشیچه، بو ولایت یشاوچی‌لریگه یاردم بیریلمه‌گن صورتده، انسانی فاجعه یوز بیریشی ممکن.
سلام‌وطندار اوزبیک بولیمی‌نی فیسبوک‌ده تعقیب قیلینگ
عین‌حالده، جوزجان ولایتی بوییچه ایکینچی‌لیک و چارواچیلیک ریاستی سرپرستی شفیق‌الله تلاش نینگ ایتیشیچه، جاری ییلده قوروقچی‌لیک جدی شکلده اوشبو ولایت یشاوچی‌لرینی تهدید قیله‌دی.
جناب تلاش نینگ کوپه‌یتیریشیچه، جاری ییلده بوغدای نینگ حاصلی سوولیک ییرلرده ۷۰% و للمی ییرلرده ۱۰۰% کمه‌یگن و شونینگدیک، قاوون و تربوزنینگ حاصلی ۳۰%، شفتالو نینگ حاصلی ۲۰% و انگور نینگ حاصلی ۱۰% کمه‌یگن.
جوزجان‌لیک ایکینچی‌لردن بیری غلام فاروق نینگ ایتیشیچه، سوو یوق‌لیگی، بهار فصلی باشله‌نیشیده هوا ساووق بولگنی و جوزا و سرطان آیی‌ده هوا ایسیق بولگنی سبب، حاصلات‌لری کمه‌یگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
اونینگ کوپه‌یتیریشیچه، جاری ییلده قاوون، تربوز و بوغدای اوچون ۶۰۰ مینگ افغانی هزینه قیلگن، لیکن حاصلی کم بولگنی سبب، کوپینچه زیان کورگن.
بیراق، جوزجان محلی مسوول‌لری نینگ ایتیش‌لریچه، طبیعی حادثه‌لرگه قرشی کوره‌شیش و زیان کورگنلرگه یاردم بیریش خصوصیده مرکزی حکومت و یاردم بیرووچی نهادلر همکارلیگی بیلن بیرقطار برنامه‌لرنی قولگه آلگن‌لر.
