بشر حقوقینی کوزه‌تیش تشکیلاتی نینگ خاتین قیزلر بولیمی اورین باسری هیدر بار، بیرلشگن ملت‌لر تشکیلاتی نینگ مهاجرلر ایشلری بوییچه عالی کمیشنری فیلیپو گراندی کابل گه سفر قیلیشی بیلن، اوندن اسلامی امارت تامانیدن افغانستان خاتین قیزلری محرم سیز چیت ایل گه سفر قیلیش چیکلاوی لغو ایتیلیشینی، سفری آجنداسی گه قرار بیریشینی طلب قیلگن.
بشر حقوقینی کوزه‌تیش تشکیلاتی نینگ خاتین قیزلر بولیمی اورین باسری توییتری‌ده یازیشیچه، فیلیپو گراندی کابل گه سفری جریانیده، افغان عیاللری محرم سیز خارج گه سفر قیلیش چیکلاوی‌نی لغو ایتیش اوچون اسلامی امارت گه باسیم کیلتیریشی کیره‌ک. بیرلشگن ملت‌لر تشکیلاتی نینگ قاچقینچیلر ایشلری بوییچه عالی کمیشنری، بوگون کابل ییتیب کیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
هیدر بار شونینگدیک افغانستان‌نی ترک قیله‌دیگنلر گه یره‌تیلگن چیکلاولر لغو ایتیلیشینی سوره‌گن. عین‌حالده، او پاسپورت اداره‌لری برابر فعالیت قیلیب و بواداره‌لر تامانیدن مصادره ایتیلگن پاسپورت‌لر قیتیریلیشی‌نی تأکیدله‌گن.
شونینگدیک بشر حقوقینی کوزه‌تیش تشکیلاتی نینگ خاتین قیزلر بولیمی اورین باسری، فیلیپو گراندی‌دن، فقرالر نینگ باش پناه تاپیش حقینی برچه مملکت‌لر گه ایسله‌تیشینی سوره‌گن.
بوندن آلدین اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد، کابل‌ده اوتکزیلگن مطبوعاتی ییغینده، «عذری» بولمه‌گن‌لر چیت ایل سفر قیله آلمسلیک‌لرینی ایتگن ایدی.
بیزلرنینگ توییترده هم تعقیب قیلینگ!
مجاهد، چیت ایل سفر قیله‌دیگن افغان خاتین قیزلری نینگ محرمی بولیشی ضرور دیگندی. او قیزلر محرم سیز تحصیلی بورسیه‌لر گه باریش‌لری ممکن می دیگن سوال گه جواب اورغولشیچه، چیت ایل سفرلر گه عیاللر اوچون محرم بولیشی «شرعی بیر حکم» دیر.
اوشبو بیانات گه قرشی ایچکی و تشقی مناسبت‌لردن کیین، جناب مجاهد اوز توییتری‌ده ایضاح کیریتدی که خارج سفر قیله‌دیگن افغان‌لر باره‌سیده‌گی بیاناتیدن مقصد، قاچاق، حجت‌سیز و ناقانونی سفر قیله‌دیگنلر که فقرالرنی خطر بیلن روپه‌رو قیله‌دی ممنوع دیر. اونگه کوره، قانونی مدرک و تکلیف نامه‌لری بولگن افغانستان‌لیکلر، چیت ایل سفر قیلیب و کامل ایشانچ بیلن مملکت گه قیتیش‌لری ممکن دیر.
