انسان حقلری ایرکین کمیسیونی بوگون ( پنج‌شنبه، ۶- قوس) افغانستان عیال‌لریگه قرشی زوروانلیکلر خصوصیده ینگی گزارش ترقه‌تدی.
انسان حقلری ایرکین کمیسیونی تامانیدن ترقه‌تیلگن گزارش گه کوره، میلادی ۲۰۲۰- ییل جنوری آیی‌دن اکتبر آیی‌گچه افغانستان عیاللر گه قرشی ۳ مینگ ۴۷۷ زوروانلیک قضیه‌سی اوشبو کمیسیون گه قید ایتلگن، بیراق میلادی ۲۰۱۹- ییلده ۳ مینگ ۹۱۰ زوروانلیک قضیه‌سی قید ایتیلگن ایدی.
انسان حقلری ایرکین کمیسیونی تامانیدن ترقه‌تیلگن گزارش اساسیده، افغانستان ده جاری میلادی ییل نینگ بیرینچی ۱۰ آیی ده ۱۶۷ عیال اولدیریلگن.
انسان حقلری ایرکین کمیسیونی اعضاسی شبنم صالحی نینگ ایتیشیچه، عدلی و قضائی نهادلرگه قول تاپیش خصوصیده‌گی چیکلاو، کرونا ویروسی و ناتینچ‌لیک‌لر رقمی کوپه‌یگنی باعث افغانستان عیاللر برابریده‌گی زوروانلیکلر رقمی اوتگن ییل‌گه کوره ۱۱% کمه‌یگن.
خانم صالحی گه کوره، عیاللر اوچون یشش‌اوی اینگ ناتینچ ییر حساب بوله‌دی و ۳ مینگ ۴۷۷ زوروانلیک قضیه‌دن، ۳ مینگ ۳۳۱ موردی یعنی ۹۵.۸ فایزی یشش‌اویده صورت تاپگن.
انسان حقلری ایرکین کمیسیونی تامانیدن ترقه‌تیلگن گزارش گه کوره، جماعه ده کوپینچه یوز بیره‌دیگن زوروانلیک، فزیکی زوروانلیک دیر و ۱ مینگ ۲۴۱ فزیکی زوروانلیک قضیه‌سی کلتک‌لش، بدن اعضاسینی کیسیش و ایش قیلیش گه زورلنتیریش دیر کیم انسان حقلری ایرکین کمیسیونی آرقه‌لی ایتیلگن و اوشبو رقم عمومی شکلده ۳۵.۷ فایز زوروانلیک نی تشکیل بیره‌دی.
۱۲۴۱ فزیکی زوروانلیکدن، ۲۸۱ ته‌سی قتل، تجاوز، اوغیرلش و خودکش‌لیک دیر و مذکور رقم‌دن ۱۶۷ ته‌سی قتل دیر کیم ۱۲۳ قتل قضیه‌سی نینگ عاملی قولگه آلینگن و ۱۵۸ قتل قضیه‌سی نینگ عاملی قاچگن.
خانم لیلما قربانی‌لردن بیری دیر کیم اونینگ سلام‌طندار گه ایتیشیچه، تورت یریم ییل آلدین تورموش قورگن و تورموش قورگنیدن بویان تورموش اورتاغی (ایری) و تورموش اورتاغی نینگ عایله‌سی تامانیدن تیل و روحی زوروانلیککه دوچ کیلگن.
انسان حقلری ایرکین کمیسیونی، عیاللر برابریده‌گی جنسی زوروانلیک‌لرگه هم اشاره قیلیب ایتیشیچه، اوشبو زوروانلیک قضیه‌لری افغانستانده تابو بولیب و اونینگ یاشیرین قالیشی خصوصیده کوپینچه سعی و حرکت بولگن، بیراق ینه‌هم ۲۳ جدی زوروانلیک قضیه‌سی شامل، ۱۳۰ قضیه قید ایتیلگن.
عیاللرگه قرشی زوروانلیکلر اجتماع ده عیاللرنینگ اورنی و ساغلیگی گه سلبی تأثیر قویگن.
میلادی ۲۰۲۰- ییل نینگ ۱۰ آیی‌ده، ۱ مینگ و ۳۳۹ تقدیرسیزلیک، ۲۶ اوی نی ترک قیلیش واقعه، ۵۸ اویدن قاچیش واقعه، ۵۳۶ تفریق سوره‌ش واقعه، ۲۴۸ تن جراحتی کوتاریش واقعه و ۳۲۸ روانی قیینچلیک واقعه عیاللرگه قرشی صورت تاپه زوروانلیک‌لرنینگ مثالی دیر.
عیاللرگه قرشی زوروانلیک‌لردن کوپینچه‌سی، کابل، قندهار، هرات، بامیان، بلخ، ننگرهار و دایکندی ولایت‌لریده قید ایتیلگن.
جزالنتیریش خصوصیده‌گی معافیت فرهنگی، ناتوغری و سنتی فرهنگ حاکم‌لیگی، اداری فساد، امنیت یوق‌لیگی و حاکمیت کوچ‌سیزلیگی عیاللر گه قرشی زوروانلیک‌لرنینگ کوپه‌یشی گه سبب بولگن.