آق سرای سوزلاوچیسی جن ساکی خبری بیر ییغینده، اسلامی امارت تشقی ایشلر وزیریلیگی سرپرستی امیرخان متقی نینگ آمریکا تامانیدن افغانستان نینگ باغلنگن پوللری نینگ آزاد ایتیلیشی حقیده‌گی بیاناتی گه عکس‌العمل کورسه‌تیب ایتگن که، اوشبو پول‌لرنینگ آزاد ایتیلیشی قیین بیر موضوع دیر.
آق سرای سوزلاوچیسی نینگ اورغولشیچه، آمریکا بو توغریده متعهدلری بیلن تیکشیروو اوتکزماقده. او بوتوغریده کوپینچه معلومات بیرمه‌گن.
افغانستان تشقی ایشلر وزیرلیگی سرپرستی امیرخان متقی آسوشیتدپرس خبرگزارلیگی بیلن اوتگزگن سوزلشووده ایتگن که اسلامی امارت آمریکا قوشمه ایالاتی بیلن هیچ قنده‌ی قیینچلیگی یوق و بو مملکت تحریم‌لری نینگ اسلامی امارت گه تأثیری یوق.
جناب متقی آمریکا و باشقه مملکت‌لردن، افغانستان نینگ باغلنگن سرمایه‌لرینی آزاد ایتیلیشی نی سوره‌گن؛ چونکه اونگه کوره، ناتینچ افغانستان و کوچسیز بیر دولت هیچ بیر مملکت نینگ فایده‌سی گه ایمس.
بیزلرنینگ فیسبوک صحیفه‌میزگه باش اورینگ!
عین حالده، اسلامی امارت رسمی‌لریگه علاوه، قوشنی مملکت‌لردن قطاری و شونینگدیک باشقه مملکتلر هم آمریکا تامانیدن افغانستان نینگ باغلنگن سرمایه‌لری آزاد ایتیلیشی نی سوره‌گنلر. مذکور مملکتلر افغانستان ده انسانی فاجعه یمان‌لنیشی توغریسیده آگاه‌لنتیریب و ایتیش‌لریچه، اوشبو مملکت نینگ پوللری آزاد بولمه‌ی و افغانستان یشاوچی‌لریگه تیزلیککه انسانی یاردملر یتیشمه‌گن صورتده، انسانی فاجعه یوزبیریشی ممکن.
افغانستانده اسلامی امارت قدرت گه ایریشگنیدن کیین، مرکزی بانک نینگ سرمایه‌لری‌دن کمیده۱۰ میلیارد دالری آمریکا تامانیدن باغلنگن ایدی، که انه شو باعث اوتگن ۲۰ ییل ده افغانی پول بهاسی دالر برابریده اینگ قویی درجه گه ییتیشگن ایدی.
دالر برابریده افغانی پول بهاسی کمه‌یگنی بیلن ییگولیک ماده بهاسی، یانغین و باشقه دستلبکی ماده‌لر بهاسی کوپه‌یگن و بو ایسه یشاوچیلرنینگ کوپینچه قیین‌چیلیک بیلن روپه‌رو قیلگن.
