چیت‌ایللیک کوچلرنینگ افغانستان دن بوتونلی چیقیشی گه کمیده بیر آی قالگن بیرحالده، آمریکا مدافعه وزیرلیگی یا پنتاگون، افغانستان ده مذکور ممکلت حربی‌لری نینگ رهبرلیگیده اوزگریش‌لیک کیلتیرگن.
آمریکا مدافعه وزیرلیگی سوزلاوچیسی جان کربی نینگ ایتیشیچه، افغانستان ده آمریکالیک حربیلرنینگ قومندانلیک مسئولیتی، آمریکا مرکزی قومندانلیک مرکز باشلیغی جنرال فرانک مکنزی گه تاپشیریلگن.
اونینگ کوپه‌یتیریشیچه: «مملکت مدافعه وزیری جنرال آستین افغانستان ده آمریکالیک حربیرلر رهبرلیگیده اوزگریش‌لیک کیلگنی نی تصدیقله‌گن. بوندن کیین آمریکالیک حربیلر قومندانلیک مسئولیتی جنرال مکنزی گه تاپشیریله‌دی. شونینگدیک جنرال اسکات میلر باشقه بیر آی گچه مسئولیتی گه دوام بیره‌دی.»
جان کربی گه کوره، بوندن کیین افغانستان ده آمریکالیک حربیلرنینگ مأموریتی، آمریکالیک دیپلماتلرنینگ سقلش و افغانستان امنیتی کوچلربیلن علاقه قوریش گه خلاصه بوله‌دی.
بیزلرنینگ فیسبوک صحیفه‌میزگه باش اورینگ!
پنتاگون سوزلاوچیسی نینگ ایتیشیچه، قطر ده افغانستان امنیتی کوچلریدن حمایت قیلیش بیر حمایتی پایگاه ایجاد ایتیله‌دی. اونینگ ایتیشیچه، مذکور پایگاه‌دن افغانستان امنیتی کوچلرگه تعلیمات بیریش و اولردن لوجستیکی حمایت قیلیش اوچون فایده‌لنه‌دی.
آمریکا مدافعه وزیرلیگی سوزلاوچیسی جان کربی نینگ کوپه‌یتیریشیچه: «آمریکالیک حربیلر بوتونلی چیققنیدن کیین، افغانستان ده قاله‌دیگن حربیلرنینگ فعالیتی دیپلماتلر و کابل قونالغه‌سی نینگ سقلش و افغانستان امنیتی نهادلری بیلن علاقه قوریش گه خلاصه بوله‌دی. قطر ده افغانستان امنیتی کوچلریدن حمایت قیلیش بیر مرکز ایجاد ایتیله‌دی.»
بیزلرنینگ توییترده هم تعقیب قیلینگ!
افغانستان ده آمریکالیک حربیلرنینگ قومندانلیگی گه بوندی اوزگریش‌لیک کیلگن بیرحالده، مذکور حربیلرنینگ افغانستان دن بوتونلی چیقیشی باشقه بیر آی گچه رسمی شکلده یکونلنه‌دی. عین حالده، پنتاگون یوزلرچه حربی افغانستان ده قالیشی اوستیگه اورغوله‌گن.
