ننگرهارده محلی منبع‌لرنینگ سلام‌وطندارگه ایتیش‌لریچه، مذکور ولایت نینگ کوزکنر تومنیده ناتانیش کیشیلر تبر و پیچاق بیلن بیر یشش اوی اوستیگه هجوم قیلگن که نتیجه‌ده، اوچ کیشی هلاک و باشقه ایکی کیشی ایسه یره‌لنگن.
منبع‌لر گه کوره، اوشبو واقعه اوتگن کیچه کوزکنر تومنی نینگ «شگی» منطقه‌سیده یوزبیرگن.
منبع‌لرنینگ کوپه‌یتیریش‌لریچه، ناتانیش کیشیلر بیرینچیده اوشبو اویگه هجوم قیلیب و کیین ایسه تبر و پیچاق بیلن بیر باله، بیر عیال و بیر ایرکک شامل بیر عایله نینگ اوچ اعضاسی نی اولدیریب و بو عایله نینگ آته و آنه‌سی نی یره‌لنتیرگن.
ننگرهار محلی مسئوللری اوشبو واقعه نی تصدیق‌لب ایتیش‌لریچه، مذکور واقعه خصوصیده نیچه کیشی نی قول گه آلگنلر. مسئوللر گه کوره، بیرینچی تیکشیروو اساسیده، بو حادثه سببی شخصی جنجللر ایکن. بیراق مذکور حادثه نینگ آرتیق تفصیلاتی تیکشیروودن کیین شریک قیلینه‌دی.
بو حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
