ننگرهار یشاوچیلریدن قطاری نینگ ایتیش‌لریچه، حاضر ایسه اوشبو ولایت‌ده حیات کیچیره‌دیگن هر بیر عایله‌ده، ۲-۵ کیشی ملاریا کسل‌لیگی گه چلینگن که، اولردن کوپ قطاری نینگ دوالش امکانیتی یوق دیر.
ننگرهار مرکزی جلال‌آباد شهری یشاوچیلریدن بیری عامر نینگ سلام‌وطندار گه ایتیشیچه، حکومت ملاریا کسل‌لیگی نی کنترول قیلیش اوچون، اهالی گه پشه‌خانه ترقه‌تیشی کیره‌ک.
بیزلرنینگ توییترده هم تعقیب قیلینگ!
شونینگدیک ننگرهار نینگ بهسود تومنی یشاوچیلریدن بیری زبیر نینگ ایتیشیچه، قریب برچه عایله اعضاسی ملاریا کسل‌لیگی گه چلینگن و او کسل‌لر نی، کسل‌خانه گه آلیب باریش‌دن زیریککن دیر.
اونگه کوره، دارو کسل‌لر گه تاثیر قیلمه‌یدی و حکومت اهالی ساغلیگی نینگ تامین‌لنیشی اوچون حل یول تاپیشی کیره‌ک.
شونده‌ی بیرحالده، شرق زونی‌ده ملاریا گه قرشی کوره‌ش ریاستی مسئوللری، جاری ییل‌ده ننگرهار ولایتیده اوشبو کسل‌لیککه چیلنگنلر سانی نینگ ۵۰ فایز کوپه‌یگنی نی تصدیق قیلگنلر.
آمار اساسیده، ننگرهار نینگ گوشته، مومندره، شینوار، بتی‌کوت، کامه، سرخ‌رود، بهسود و اچین تومن‌لریده، اوشبو کسل‌لیککه چلینگنلر سانی کوپه‌یگن دیر.
شرق زونی‌ده ملاریا گه قرشی کوره‌ش ریاستی مسئولی سید‌عبدالله بریالی نینگ ایتیشیچه: «ملاریا و باشقه یوقمه کسللیکلر شرق حوزه‌سیده کوپه‌یگن دیر. اوشبو کسللیکلر کوپه‌یگنی سببی ایسه، اوتگن ییل‌لر‌ده‌گی قوروق‌چیلیک و حاضرگی یاغیش‌لر دیر. ایکینچی سبب ایسه، سیاسی اوزگریشلر ایدی که، بو ییرلر گه سلبی تاثیر قویگن.»
بریالی گه کوره، حاضر ایسه اهالی آره‌سیده دارو ترقه‌تیلیشی قیین بیر ایش دیر؛ بیراق منطقه‌لردن قطاری‌ده، ملاریا گه چلینیش میزانی نی کمه‌یتیریش مقصد، اهالی گه پشه‌خانه ترقه‌تیلگن دیر.
بیزلرنینگ فیسبوک صحیفه‌میزگه باش اورینگ!
شرق زونی‌ده ملاریا گه قرشی کوره‌ش ریاستی مسئولی نینگ کوپه‌یتیریشیچه: «اوتگن ییل‌لر اهالی گه ترقه‌تیلگن پشه‌خانه‌لر، هیچ قوللنیلمه‌گن که، ملاریا کسل‌لیگی گه چلینمه‌سلیک اوچون اهالی نینگ پشه‌خانه‌دن قوللنیشی کیره‌ک.»
افغانستان نینگ شرقی تامانیده جایلشگن ننگرهار، پاکستان بیلن چیگره‌داش بولگن ولایت‌لردن دیر که، کوکلم و یاز موسومی‌ده هوا‌سی ایسیگنی نتیجه‌سیده، اوشبو ولایت‌ده موسومی کسللیکلر گه چیلینیش خوفی کوپه‌یه‌دی.
