بیرلشگن ملتلر تشکیلاتی نینگ رواجلنتیریش برنامه‌سی پیش بین‌لیک قیلگن که افغانستان جاری بحرانی چیتلنتیریلمه‌گن صورتده، بو مملکت یشاوچی‌لریدن کمیده ۹۷ فایزی نی فقر چیزیغی آستیده قرار تاپیشی نینگ احتمالی بار.
افغانستان ایش‌لری بوییچه بیرلشگن ملتلر تشکیلاتی نینگ نماینده‌سی دبورا لاینز، اوتگن کون بیرلشگن ملتلر تشکیلاتی نینگ خوفسیزلیک کینگش ییغینی گه شرکت قیلیب و بو تشکیلات گه اعضالرنینگ نماینده‌لریگه معلومات بیرگن . اونینگ ایتیشیچه، افغانستان نینگ تشقی سرمایه‌لریدن میلیاردلرچه دالری نی باغلیق قالیشی مملکتده جدی اقتصادی رکود گه سبب بولیشی ممکن.
خانم لاینز گه کوره، افغانستان نینگ اقتصاد و اجتماعی نظمی نینگ بوزیلمه‌سی اوچون بو پول مذکور مملکت نینگ اختیاری گه قرار تاپیب و تضمین آلینیشی کیره‌ک که طالبان اوندن ناتوغری استعمال قیلمه‌یدی.
او بیرلشگن ملتلر تشکیلاتی گه اعضا مملکتلرنینگ نماینده‌لریگه خظاب ایتیشیچه، افغانستان اقتصادی باشقه بیر نیچه آی گچه نفس آلیشی اوچون رخصت بیریلیشی کیره‌ک و طالبان گه هم بو فرصت بیریلیشی کیره‌ک اولر انسان حقلری، جنسیت و ترورچیلیککه قرشی واقعی اراده و ملایم‌لیک‌لری نینگ کورسه‌تیشی کیره‌ک.
بیزلرنینگ فیسبوک صحیفه‌میزگه باش اورینگ!
عین حالده، آمریکا ییریک دیپلمات‌لریدن بیری جفری دلورنتیس بو ییغینده ایتیشیچه، طالبان مشروعیت و خلق‌ارا حمایت قولگه کیلتیریش نی ایسته‌یدی و بیزلر کوپ ساده اولرگه ایته‌میز که هر مشروعیت و حمایت نی قولگه کیلتیریش‌لری کیره‌ک.
ایتیش کیره‌ک که آمریکا طالبان قدرت گه ایریشگنیدن کیین افغانستان تشقی سرمایه‌لریدن کمیده ۹ میلیارد دالری نی باغله‌دی.
شونینگدیک پول خلق‌ارا صندوغی یا (آی ام اف) افغانستان حکومتی سقوط قیلگنیدن کیین، طالبان نینگ ۴۴۰ میلیون دالر پول گه قول تاپیشی نی آلدینی آلدی.
عین حالده، خوفسیزلیک کینگشی نینگ ایکی اعضاسی روسیه و چین وتو حقی بیلن، افغانستان دولتی سرمایه‌لری نینگ آچیلیشی دن حمایت قیلگن.
بیرلشگن ملتلر تشکیلاتی ده چین ایلچیسی نینگ اورین باسری گنگ شوانگ نینگ ایتیشیچه، بو سرمایه‌لر افغانستان گه تیگیشلی دیر و افغانستان اوچون استعمال قیلینیشی کیره‌ک نه چیکلاولر اوچون بیر اهرم صفتیده.
بیراق بیرلشگن ملتلر تشکیلاتی ده افغانستان سابق حکومت ایلچیسی غلام محمد اسحاق زی، مذکور تشکیلات خوفسیزلیک کینگشی گه توصیه قیلگن که طالبان همه شمول و اهالی نینگ ایسته‌گی اساسیده بولگن بیر دولت تشکیل بیرگونگه قدر افغانستان تشقی سرمایه‌لری نینگ آچیلیشی نی آلدی آلینیشی سوره‌گن.
