جاری ییل ۱۸- ثور ده بدخشان یشاوچی‌لریدن قطاری ایچیم‌لیک سوو و برق یوقلیگی و ناتینچلیکلر کوپه‌یگنی باعث اعتراض قیلیشدی، بیراق بو اعتراضلر زوروانلیککه تارتیلدی و نتیجه ده ۴ اعتراضچی هلاک و ۴۰ دن آرتیق کیشی ایسه یره‌لندی.
مذکور حادثه‌دن کیین نماینده‌لر کینگشی بو حادثه نی تیکشیریش اوچون بیش کیشی‌لیک بیر هیأتی نی بدخشان یوباردی. اوشبو هیأت نی رهبرلیک قیله‌دیگن خان‌آقا رضایی، بوگون نماینده‌لر کینگشی ده تیکشیروونینگ نتیجه‌سینی ارایه قیلیش چاغده ایتیشیچه، سندلرنینگ کورستیشیچه، اهالی قانون گه قرشی بیر ایش قیلیشدن آلدین، امنیتی کوچلر آرقه‌لی هجوم آستیده آلینگن.
بو هیأت نینگ تیکشیرووی نی کورستیشیچه، بدخشان حاکمی زکریا سودا صلاحیت‌لریدن سوءاستعمال قیلگن. حقیقت تاپووچی هیأت، بدخشان حاکمی نینگ وظیفه‌سی تعلیق‌لنیشی و اونینگ باش‌قاره‌لاوچیلیککه تانیشتیریلیشی نی سوره‌گن.
بیزلرنینگ فیسبوک صحیفه‌میزگه هم باش اورینگ!
بیراق بدخشان حاکمی زکریا سودا، نماینده‌لر کینگشی نینگ حقیقت‌تاپووچی هیأت گزارشی نی سلیقوی و نافنی دیب ایتیشیچه، کینگش نینگ گزارشی مِش‌مِشلر و تیزیم گه قرشی کیشیلرنینگ معلوماتی اساسیده تیارلنگن.
عین حالده، نماینده‌لر کینگشی ده بدخشان ملت وکیل‌لری بو ولایت حاکمی نینگ قیلگن ایشلریدن شکایت قیلیب و بو ولایت حاکمی محکمه قیلینیشی نی سوره‌گنلر.
نماینده‌لر کینگشی ده بدخشان ملت وکیلی حجت‌الله خردمند نینگ ایتیشیچه: «بدخشان ده انسان اولدی و اهالی نینگ قانی توکیلدی، مرکزی حکومت توجه‌سیزلیک قیلمه‌یشی کیره‌ک. بدخشان اهالیسی ایسته‌کلریگه ایریشگونگه قدر اعتراضلریگه دوام بیریشه‌دی. بیزلرنینگ بیرینچی ایسته‌گی‌میز بو دیر که ولایت حاکمی چیتلنتیریب و عدلی و قضایی اداره‌لرگه تانیشتیریلیشی کیره‌ک.»
بیزلرنینگ توییترده هم تعقیب قیلینگ!
بدخشان حاکمی نینگ اعتراض‌لری زوروانلیککه تارتیلگن بیرحالده، جمهورلیک ریاستی هم بو حادثه نی تیکشیریش اوچون بیر هیأت تعیین‌لنگنیدن خبر بیردی، بیراق نیچه هفته اوتیشی بیلن حاضرگچه بیللی بولمه‌گن که بو هیأت نینگ ایشی گه قییرگچه آلغه بارگن.