بدخشان ده نسایی-ولادی بولیمی شفاکارلری‌دن قطاری‌نینگ ایتیشلریچه، بچهداندن تشقریده حمل آلیش، عیاللر اوچون جدی ساغلیق خواطرلردن بیری‌گه اوزگرگن. اولرگه کوره، ییترلی آگاهی‌لیک یوقلیگی، ساغلیق مرکزلرگه کیچ مراجعت قیلیش و امکانیت کم‌لیگی سبب، بو وضعیت عیاللردن کوپ قطاری‌نینگ حیاتی‌نی تهدید قیله‌دی.
بدخشان ده نسایی-ولادی بولیمی شفاکاری مرغونه صافی انوری‌نینگ ایتیشیچه، بچهداندن تشقری حمل آلیش اوروغلنگن تخم بچهدانگه جایلشیش اورنیده، اونینگ تشقریسیده اوسیش‌نی باشله‌گنی‌ده یوز بیره‌دی. «بچهداندن تشقری حمل آلیش‌نی اکتوپیک پریگننسی دیه‌دیلر. بچهداندن تشقریده حمل آلیش شونده‌ی بیرحالده یوز بیره‌دی که، اوروغلنگن تخم اصلی جای‌گه بولمه‌ی و بچهداندن تشقریده بولسه.»
بچهداندن تشقریده حمل آلیش، قرین آغریق و آز یا-ده جدی قان کیتیش کبی بیلگی‌لر بیلن بیلینه‌دی. جنین رشد قیلیشی اوچون یگانه جای‌نینگ بچه‌دان بولگنی باعث اونینگ باشقه جای‌ده جایلشووی آنه سلامتلیگی توغریسیده خوفلی عاقبتلرگه سبب بولیشی ممکن.
بیزلرنینگ فیسبوک صحیفه‌میزگه باش اورینگ!
بوتوغریده بدخشان ده نسایی-ولادی شفاکارلری‌دن باشقه بیری حفیظه سجاد‌نینگ ایتیشیچه: «بچهداندن تشقریده حمل آلیش، تخمله‌گن تخمک‌نینگ بچه‌دان گه باریشی اورنیده، بچهداندن تشقری تیوب‌لر، بچه‌دان آغزی یا-ده قرین‌ده جایلشیش حالتی‌گه ایتیله‌دی.»
مذکور شفاکار‌گه کوره، تورلی سببلر جمله‌دن آلدین‌دن جنین توشیشی و بچهدانگه عاید جراحی‌لیک عملیات‌لری تجربه‌سی‌گه ایگه بولیش، بچهداندن تشقریده حمل آلینیشی اورته گه کیله‌دیگن سببلری دیر. «بچهداندن تشقریده حمل آلینیشی اورته گه کیله‌دیگن سببلری، بچه‌دان یا اونینگ یقینی‌ده‌گی اعضالر‌نینگ میکروبی بولیشی یا-ده جراحی عملیات اوتکزیلگنی دیر؛ قرین‌لری‌ده اوتکزگنلری عملیات‌لر یعنی سزارین و اپندکس عملیات‌لری کبی دیر. شوو سببلر طفیلی اولرده بچهداندن تشقری حمل آلیش کوپ بوله‌دی. بچهداندن تشقری حمل آلیش اونملی بیر وضعیت بولیب و جدی توجه قیلیش‌گه نیازی بار و مناسب وقت‌ده تشخیص و دوالنمسه، حیات‌نینگ تهدید قیلووچیسی دیر.»
بچهداندن تشقری حامله‌دارلیک‌نی تشخیص قیلیش حقیده حفیظه سجاد‌نینگ کوپه‌یتیریشیچه: «بچهداندن تشقری حمل آلیش قچان تشخیص بوله‌دی؟ بیر عیال حیض کوریش وقتی اوتگنی و حامله بولگنی‌‌گه شبهه‌لی بولگنی پیت یا-ده عیال قطره قطره شکلده کوپ آز قان کوریشی؛ لیکن قرنی آستیده آغریغی بولگنی‌ده شفاکار گه باریشی کیره‌ک. شفاکار تلویزیونی معاینه‌لرنی قیله‌دی همده قان و سیدیک معاینه‌لرینی بیره‌دی و اونده بیلینه‌دی که بچهداندن تشقریده حمل آلینگن.»
بدخشان ده نسایی-ولادی شفاکارلری‌دن باشقه بیری کریمه کریم نوری‌‌نینگ ایتیشیچه، بچهداندن تشقریده حمل آلیش‌نینگ ایکی توری بار؛ دوا بیلن دوالنه‌دیگن و جراحی آرقه‌لی دوالنه‌دیگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، توی قیلگنی‌دن بیر ییل اوتیب و بچهداندن تشقری حمل آلیش تجربه‌سی گه ایگه بولگن بدخشان ولایتی یفتل تومنی یشاوچیسی بولمیش ۲۵ یاشر ماه‌گل‌نینگ ایتیشیچه: «توی قیلگنیم‌دن بیر ییل اوتگن. تازه حمل آلگنیم‌ده، بیر کونی کییم یوویشیم چاغیده بیردن تنیم‌گه آغریق‌نی حس قیلدیم، باشیم هم گنس بولدی و قان کیتیشیم هم بار ایدی. بیردن کلینیک باردیم. شفاکار کسل‌خانه گه باریشیم نی ایتدی. کسل‌خانه گه باردیم و او ییرده‌گی شفاکارلر، باله‌م‌نینگ بچهداندن تشقریده بولگنی و اونینگ توشیریشیم و توشیرمه‌گنیم صورت‌ده، مین گه ضرری بولیشی‌نی ایتدیلر. مین هم قبول قیلدیم و باله‌م‌نی سقط قیلدیلر.»
بیردن آرتیق بچهداندن تشقریده حمل آلیش تجربه‌سی گه ایگه بولگن عیاللردن بیری فریده‌نینگ ایتیشیچه، حامله‌دارلیک چاغیده هر مرته قیین‌چیلیک بیلن روپه‌ره بوله‌دی و حامله‌دارلیگی بیر آی‌دن کوپراق دوام قیلمه‌یدی. «توی قیلگنیم‌دن بیش ییل بولگن. هر مرته که حمل آله‌من، قتیق آغریق و قان کیتیش بیلن روپه‌ره بوله‌من و حامله‌دارلیگیم باش آی‌لرده اورته‌دن کیته‌دی. شفاکار گه بارگنیم‌دن کیین بچهداندن تشقریده حمل آلیش‌گه چلینگنیم تشخیص بولدی. شفاکار حاضر حمل آلمسلیگیم، یخشی‌راق آوقت‌لنیشیم، قان‌کم‌لیک داروسی‌دن فایده‌لنیشیم و تورموش اورتاغیم‌دن بیر نیچه وقت فاصله آلیشیم‌نی توصیه قیلدی که تنیم بیراز کوچلنسین. امید قیله‌من که مکمل دوالنیش‌دن کیین آنه بوله آلسم.»
بچهداندن تشقریده حمل آلیش، آنه‌لر اوچون خوفلی بیر وضعیت حساب‌لنه‌دی و تیزلیک بیلن تشخیص و دوالنیشی کیره‌ک. انه شوو سبب، حیض کوریش‌نینگ باشلنیش و یکونلنیش زمانی‌گه دقت قیلیش، عادی بولمه‌گن بیلگی‌لرگه توجه قیلیش و منظم معاینه‌لرنی انجام بیریش، بچهداندن تشقریده حمل آلیش‌نینگ رواجلنیشی آلدی آلینیشی اوچون ضرور بولگن بیرینچی اقدام‌لردن دیر. شونینگدیک بچهداندن تشقریده حمل آلیش تجربه‌سی گه ایگه بولگن کیشیلر، قیته حامله‌دار بولگنلری صورت‌ده تیزلیککه سونوگرافی قیلیش بیلن بچه‌دان ایچیده جنین‌نینگ جایلشگنی‌ده ایشانچلی بولیش‌لری کیره‌ک.
