نیچه پیت آلدین غزنی شهریدن ناتانیش قوراللی کیشیلر تامانیدن اوغیرلنگن «سلطان‌محمود غزنوی» خصوصی بیلیم یورت رئیسی معراج وقار نینگ جسدی، اوتگن کون کیچ قورون اوشبو ولایت نینگ ده‌یک تومنی اطرافیدن تاپیلگن.
معراج وقار نینگ همکار‌لری و اقارب‌لری نینگ ایتیش‌لریچه، او کمیده ایکی آی آلدین اوز اویی‌دن ناتانیش قوراللی کیشلر تامانیدن اوغیرلنگن ایکن و نهایتده اونینگ جسدی اوتگن کون ده‌یک تومنی نیگ «لغبات» قیشلاغیده بیر کاریز‌دن تاپیلگن.
بیزلرنینگ فیسبوک صحیفه‌میزگه باش اورینگ!
عین حالده، غزنی‌ده معلومات و مدنیت ریاستی نینگ معلومات آمری و اورین باسری مذکور کیشی نینگ اولدیریلگنی نی تصدیق‌لب بیراق ایتیشیچه، حاضرگچه بو واقعه خصوصیده دقیق معلوماتی یوق و جناب وقار نینگ قنده‌ی اوغیرلنگنی و اولدیریلگنی توغریسیده تیکشیروولرنینگ دوامی بار.
شونده‌ی بیرحالده، شونینگدیک کمیده ایکی آی آلدین غزنی بیلیم یورتی نینگ شرعیات فاکولته رئیسی آصف هاشمی هم ناتانیش قوراللی کیشیلر تامانیدن اوغیرلنگن ایدی و اونینگ تقدیری دن حاضرگچه هیچ بیر خبر قولگه کیلمه‌گن.