اسلامی امارت حربیلری بوگون تورخم بندری نینگ تورخم شهرچه‌سیده طلوع نیوز خبرچیسی صداقت غورزنگ و «جاج نیوز» خبرچیسی جاوید رازمند نینگ کلتکله‌گن.
مذکور خبرچیلرنینگ سلام‌وطندارگه ایتیش‌لریچه، یولاوچیلرنینگ پاکستان گه کیتیشی دن گزارش تیارلش اوچون بو شهرچه گه کیتگن ایکنلر که اسلامی امارت حربیلری تامانیدن کلتکله‌نیش گه علاوه، اولرنینگ ایش ملزمه‌لری هم سیندیریلگن.
بیزلرنینگ فیسبوک صحیفه‌میزگه باش اورینگ!
اوشبو خبرچیلرنینگ ایتیش‌لریچه، گرچند تورخم بندری نینگ کمیسار مسئوللری اولرگه بو منطقه گه باریب و گزارش تیارلش اوچون رخصت بیرگن ایکن؛ بیراق شونده‌ی بیر حالده هم اسلامی امارت حربیلری اولرنینگ کلتکله‌گن.
عین حالده، ننگرهار ده اسلامی امارت معلومات و مدنیت ریاست مسئوللری نینگ ایتیش‌لریچه، بو حادثه بیر سوءتفاهم باعث یوزبیرگن و اولر بو خبرچی‌لردن عذر سوره‌گن. بو ریاست مسئوللری اوشبو خبرچیلرنینگ سینگن واسطه‌لری نینگ تاوانی نی بیریش اوچون وعده بیرگن.
