پروان ده طالبان حاکمی اورین‌باسری مولوی دوست‌محمد حقانی، بوگون رسانه و خبرچیلرنینگ حق‌لریدن مدافعه قیله‌دیگن نهادلر بیلن اوچره‌شیب ایتیشیچه، فرهنگی بولیم‌لر «اسلامی امارت» نینگ تیلی دیر و بولرنینگ طالبان گروهی گه خاص اورین‌لری بار.
جناب حقانی رسانه مسئوللری و خبرچی‌لردن، حاضرگی شرایط ده طرف‌سیزلیک نی سقلش بیلن سیاسی و جنجللی موضوع‌لرنی نشر قیلیش دن واز کیچیب و اسلامی شریعت اساسیده نشرات بیریش‌لرینی سوره‌گن.
عین حالده، پروان معلومات و مدنیت ریاست سرپرستی مولوی شمس‌الحق نینگ ایتیشیچه، تیزلیککه رسانه‌لرنینگ نشراتی چارچوبه‌سی تیارله‌نیب و رسانه‌لرنینگ اختیاری گه قرار تاپیشی ممکن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن ایرکین خبرچیلر انجمن اورین‌باسری پرویز امین‌زاده مذکور ییغینده ایتیشیچه، رسانه‌لر سابق حکومتده ایرکین و طرف‌سیز ایدی و بو ایرکین‌لیک حاضرگی حکومتده هم سقله‌نیشی گه امیدوار دیر.
اونینگ ایتیشیچه، رسانه‌لر توغری معلومات‌لرنی نشر قیلیش اوچون ایشانچلی منبعلرگه محتاج دیر و حاضرگی حکومت خبرچیلرنینگ بونده‌ی منبعلرگه قول تاپیشی نی فراهم قیلیشی کیره‌ک.
ایتیش کیره‌ک حاضر پروان ولایتیده ۱۰ دن آرتیق رادیو، بیر دولتی تلویزیون و رسانه‌لر نماینده‌لیگی و ایچکی خبرگزارلیکلر فعالیت قیله‌دی.
