سلما توغانی نینگ امنیتی کندک قومندانی الله‌محمد همدرد نینگ سلام‌وطندارگه ایتیشیچه، اوتگن کون (سه‌شنبه ۲۲- سرطان) ساعت ۵ اطرافیده طالبان جنگریلری مذکور سووتوغانی اوستیگه نیچه هاوان آتگن. سلما توغانی نینگ امنیتی کندک قومندانی گه کوره، بو هاوان اوشبو توغان نینگ اطرافیده اصابت قیلگن.
سلما توغانی نینگ امنیتی کندک قومندانی، بو بند ده تهدیدلر کوپه‌یگنیدن خواطر بیلدیریب و ایتشیچه، بو تهدیدلرنینگ آلدینی آلیش اوچون مذکور بند اطرافیده کینگ تازلش عملیات یولگه قوییلیشی کیره‌ک. الله‌محمد همدرد نینگ کوپه‌یتیریشیچه، طالبان حاضر سلما بندی نینگ اطرافیده موجود دیر.
بیزلرنینگ فیسبوک صحیفه‌میزگه باش اورینگ!
عین حالده، هرات ولایتی نینگ چشت تومنیدن محلی ایشانچلی بیر منبع نینگ سلام‌وطندارگه ایتیشیچه، اوتگن نیچه کونده سلما بندی نینگ امنیتی پوسته‌لریدن قطاری طالبان نظارتی گه اوتگن.
عین حالده، سوو ایشلرینی ترتیب قیلووچی ملی اداره بیر خبرنامه ترقه‌تیش بیلن سلما بندی اوستیگه طالبان تامانیدن نیچه هاوان آتیلگنی توغریسیده خواطر بیلدیریب و ایتیشیچه، بو هاوان‌لردن قطاری اوشبو بند نینگ یقیین‌لیگیده اصابت قیلگن.
سوو ایشلرینی تنظیم قیلووچی ملی اداره بو بند طالبان تامانیدن تخریب قیلینیشی احتمالی توغریسیده خواطر بیلدیریب و آگاه‌لنتیریشیچه، بو هجوملر دوام تاپگن صورتده، اوشبو بند گه ضرر ییتشیریشی ممکن.
بیزلرنینگ توییترده هم تعقیب قیلینگ!
خبرنامه اساسیده، سلما بندی گه هر قنده‌ی ضرر ییتیشگن صورتده، اهالیدن کوپینچه‌سیگه مالی ضرر گه علاوه، جانی ضرر هم ییتیشی ممکن. سوو ایشلرینی تنظیم قیلووچی ملی اداره نینگ کوپه‌یتیریشیچه، سلما کتته بیر بند دیر و ۸ تومن نینگ اهالیسینی درآمدی مذکور بند گه ذخیره بولگن سوو گه تیگیشلی دیر.
هرات نینگ چشت تومنی طالبان قولیگه سقوط قیلگنیدن کیین، سلما بندی نینگ تخریب ایتیلیشی و ضرر کوریشی توغریسیده خواطرلر کوپه‌یگن، بیراق طالبان نینگ ادعا قیلیشیچه، اولر کتته ملی پروژه‌لرگه ضرر ییتیشتیرمه‌یدی.
