خبرچی‌لرگه قرشی زوروانلیکلر و تهدیدلر نینگ دوامیده، اوتگن کون شنبه کابل غربی دشت‌برچی منطقه‌سیده یوز بیرگن بیر پارتلش عاقبتیده، رسانه‌لردن بیری نینگ خبرچیسی حمید سیغانی، هلاک بولدی.
خبرچی‌لردن قطاری تهدیدلرنینگ کوپه‌یگنیدن خواطر بیلدیریب ایتیش‌لریچه، جان و ایش مصونیتی اوچون اولرگه هیچ قنده‌ی تضمین یوق.
کابل ده خبرچی‌لردن بیری منصور نیازی نینگ ایتیشیچه: «هر کون خبرچی‌لرگه قرشی زوروانلیکلر کوپه‌یماقده و ینگی نظام تامانیدن خبرچیلرنینگ جانیدن محافظت قیلیش و اولرگه قرشی زوروانلیک صورت تاپمه‌سی اوچون هیچ قنده‌ی تضمین بیریلمه‌گن، بیزلر خبرچی صفتیده جانیمیز توغریسیده هیچ قنده‌ی تضمین نی کورمه‌گن میز.»
بیزلرنینگ فیسبوک صحیفه‌میزگه باش اورینگ!
شونینگدیک خبرچی‌لردن باشقه بیری سهیلا یوسفی نینگ اورغولشیچه، خبرچیلر برابریده تهدیدلر کوپه‌یماقده و بو توغریده خبرچی‌لردن حمایت قیلووچی نهادلر و میدیالر تامانیدن هیچ قنده‌ی توجه قیلینمه‌یدی.
بیراق خبرچیلر و رسانه‌لرنینگ قضیه‌لرینی تیکشیرووچی کمیته اعضاسی حجت‌الله مجددی نینگ ایتیشیچه، میدیالردن حمایت قیلووچی نهادلرنینگ سعی و حرکتی نتیجه‌سیده، اوتمیش هفته‌لرگه کوره خبرچیلر گه قرشی زوروانلیکلر کمه‌یگن و بوتوغریده کوپینچه سعی و حرکت‌لرنینگ دوامی بار.
عین حالده، افغانستان گه اسلامی امارت حاکم بولگنیدن کیین، خبرچی‌لردن حمایت قیلووچی نهادلر نیچه مرته خبرچیلرنینگ وضعیتی یمان‌لنیشی توغریسیده آگاه‌لنتیریب و یوزلرچه خبرچی مملکت نی ترک قیلیش گه قرار آلگنی نی ایتگن ایدی.
