رویترز کونده‌لیگی نینگ گزارش بیریشیچه، آمریکا و قطر نینگ کیلیشووی اساسیده، دوحه افغانستانده آمریکا نینگ منفعتی نی سقله‌یدی و اوشبو مملکت‌ده واشنگتن دیپلماتیک منفعت‌لریدن نماینده‌لیک قیله‌دی. آمریکا تشقی ایشلر وزیری آنتونی بلینکن اوتگن کون (جمعه ۲۱- عقرب) قطر تشقی ایشلر وزیری محمد بن عبدالرحمان بیلن «سقلش صلاحیتی» نی امضا قیلیشگن.
مذکور اقدام ایکی دهه اوروش‌دن کیین، کابل و واشنگتن آره‌سیده توغری تعامل قیلیش اوچون اونملی دیر. اوشبو کیلیشوو اساسیده، دوحه آمریکا منفعت‌لریدن حفاظت قیلووچی نقش نی بویینیگه آلگن که افغانستانده اسلامی امارت حکومتی و واشنگتن آره‌سیده‌گی بوتون رابطه‌لرنینگ آسان‌لشتیریش اوچون یاردم بیره‌دی.
آنتونی بلینکن نینگ ایتیشیچه:«قنسولی خذمتلر ارایه ایتیلیشی و افغانستان ده آمریکا دیپلماتیک تأسیسات‌لری نینگ وضعیتی و خوفسیزلیگیدن نظارت قیلیش اوچون، قطر ده افغانستان ده بو مملکت ایلچی‌خانه‌سیده آمریکا منفعت‌لری نامیده بیر بولیم ایجاد قیلیشی ممکن.»
بیزلرنینگ فیسبوک صحیفه‌میزگه باش اورینگ!
حکومت سقوط قیلیب و کابل‌ده ایلچی‌خانه‌لر باغلنگن بیرحالده، اوشبو کیلیشوو امضالنگن. شونینگدیک، افغانستانده هوا ساووق بولیشی و اقتصادی قیین‌چیلیک کوپه‌یگنی بیلن، قطار مملکت‌لر افغانستانده انسانی فاجعه یوز بیرمه‌یشی اوچون اسلامی امارت بیلن تعامل قیلیش اوچون سعی و حرکت قیلماقده دیر.
مذکور کیلیشوو اساسیده، قطر کابل‌ده‌گی ایلچی‌خانه ایشلاوچی‌لری نی آمریکا‌گه تیگیشلی خدمتلر ارایه قیلیش اوچون یوبارگن و شونینگدیک اولر هم قطرده آمریکا دیپلماتیک دفتری نینگ اویغونلیگی بیلن ایش قیلیش‌لری ممکن.
شونینگدیک مذکور کیلیشوونامه اساسیده که بیرینچی دسامبردن کیین اجرا ایتیله‌دی، قطر کابل ده ایلچی‌خانه‌سی نینگ ایشلاوچی‌لریدن قطاری نی آمریکا علاقه‌لری بولیمیده تعیین‌لشی ممکن و یغیین دن مذکور مملکت تشقی ایشلر وزیرلیگی و قطرده آمریکا ایلچی‌خانه‌سی بیلن اویغونلیک قیلیشی ممکن.
عین حالده، قطر موقتی شکلده افغانستانده خطر گه دوچ کیلیب و آمریکا خاص مهاجرلیک ویزه‌سینی قولگه کیلتیرگن ۸ مینگ کیشی دن میزبانلیک قیلیشی خصوصیده کیلیشگن.
