اوتگن کیچه هرات یشاوچی‌لری الله‌اکبر فریادی بیلن ترورچی‌لرگه بو پیام نی ییتیشتیردیلر که هرات شهری طالبلرنینگ جایی ایمس.
شونده‌ی بیرحالده، اوتگن کون شام دن بویان هرات نینگ قطار بولیم‌لریده امنیتی کوچلر، کماندو کوچلری و مردمی بسیج کوچلری تامانیدن تازه‌لش عملیات باشلنگن و طالبان هرات شهری ایشیگیدن شهر اطراف‌لریده قاچیب کیتگن.
اوروش نینگ بیرینچی چیزیغی ده حضور تاپگن هرات حاکمی عبدالصبور قانع نینگ ایتیشیچه، هرات شهری اطرافیده طالبان نینگ کوپینچه ییغین‌لری امنیتی کوچلر تامانیدن هجوم آستیده آلینگن که نتیجه‌ده، ۲۴ طالب هلاک و باشقه ۳۰ طالب ایسه یره‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، یاردمچی کوچلر هرات گه ییتیشگن و باشقه نیچه کون گچه امنیتی وضعیت یخشی‌لنیشی ممکن. عین حالده، مردمی مقاومت حرکت رهبری محمداسماعیل خان نینگ ایتیشیچه، افغانستان حاضرگی اوروشی طالبان و دولت آره‌سیده اوروش ایمس دیر، بلکیم بو افغانستان اهالیسی برابریده پاکستان نینگ اوروشی دیر.
عین حالده، هرات یشاوچی‌لری نینگ ایتیش‌لریچه، طالبان اوتگن کیچه ترک قیلگن محل‌لریگه قیته کیلگن. بیراق هرات محلی اداره‌سی نینگ ایتیشیچه، حاضر اوروش شهر دن تشقری کارته و غیزان منطقه‌لری و پُل مالان اطرافیده بارگن.
باشقه بیر تاماندن تخار ده مردمی ایشانچلی بیر منبع نینگ سلام‌وطندارگه ایتیشیچه، تالقان شهری اطرافیده اویوشتیرگن هجوم‌لری باعث تخار نینگ پنجشیری ها و گنج‌علی بیک قیشلاقلرنینگ نیچه بولیمی طالبان نظارتی گه اوتگن.
منبع نینگ کوپه‌یتیریشیچه، تالقان شهری نینگ شمالی چیزیغیده‌گی قره‌پرچو قیشلاغیده جایلشگن امنیتی کوچلر، سنگرلرینی قوییب باشقه منطقه‌لرگه کیتگن. عین حالده، قندهار ولایتیدن ییتیشگن معلومات اساسیده، مذکور شهر اطرافیده اوروش کمه‌یگن.
قندهار ولایتیدن ایشانچلی بیر منبع نینگ سلام‌وطندارگه ایتیشیچه، بو ولایتده اوروشه‌دیگن طالبلر اوروش اوچون هلمند ولایتی گه کیتگن.
