فاریاب نینگ برچه تومن‌لریده طالبان حاکمیتی کینگه‌یگنی باعث، مذکور گروه اوشبو تومن یشاوچی‌لری اینیقسه عیاللریگه ینگی چیکلاولر یره‌تگن.
فاریاب ولایتی کینگش اعضاسی آق‌محمد نوری نینگ سلام‌وطندارگه ایتیشیچه، طالبان نینگ ینگی بویروغی اساسیده، شرعی محرمی بولمه‌گن عیاللر اویدن چیقه آلمه‌یدی و شونینگدیک ساز و سرود بولگن توی‌لرگه هیچ کیم شرکت قیلمه‌سی کیره‌ک.
جناب نوری گه کوره، اوشبو چیکلاولر فاریاب تومن‌لری نینگ یشاوچی‌لری اینیقسه اندخوی تومن‌لرینی خواطرلنتیرگن؛ چونکه عایله‌لرنینگ ایرکک‌لری بیر لقمه نان تاپیش اوچون تشقی مملکت‌لرگه کیتگن و عیاللردن کوپینچه‌سی نامحرم یشه‌یدیلر.
بیزلرنینگ فیسبوک صحیفه‌میزگه باش اورینگ!
نوری نینگ کوپه‌یتیریشیچه: «طالبان بیر اعلامیه آرقه‌لی شرعی محرمی بولمه‌گن عیاللر اویلردن چیقمه‌سینی بیلدیرگن و شونینگدیک ساز و سرود بولگن توی‌لرده هیچ کیم اشتراک قیلمه‌سی و تویلر ساز و سرود بولمه‌سدن یولگه قوییلیشی نی اَیتگن. عیاللر ساغلیک مرکزلریگه کیته آلمه‌یدی، چونکه محرم‌لری یا اولکه دن تشقری گه دیر یا هم قاچیب کیتگن.»
فاریاب ولایتی کینگش اوشبو اعضاسی نینگ ایتیشیچه، طالبان حاکم بولگنیدن کیین عیاللرگه یوزبیرگن قیینچلیک‌لردن بیری، دولتی دفترلرده ایشله‌یدیگن عیاللرنینگ ایش‌لرینی قولدن بیریشی دیر.
اونگه کوره: «عیاللر حقلری و بیرلشیش‌لری خصوصیده ایشله‌یدیگن عیاللر ترماغی بوتونلی بیکار بولگن و شونینگدیک دولتی اداره‌لر و دفترلرده ایشله‌یدیگن عیاللرهم بیکار بولیب و بو حقده خواطرگه‌لر دیر.»
فاریاب ده مدنی فعاللردن بیری سیدحسن هاشمی نینگ ایتیشیچه، شونینگدیک طالبان ایرکک‌لرگه هم چیکلاو یره‌تگن. اونگه کوره، طالبان ریکشالر و موترلر هیداوچی‌لرینی نامحرم عیاللرنینگ میندیرگن صورتده، جزالنتیریلیش‌لری خصوصیده آگاه‌لنتیرگن.
بیزلرنینگ توییترده هم تعقیب قیلینگ!
عین حالده، رسانه فعالی بولگن عیاللردن بیری نینگ سلام‌وطندارگه ایتیشیچه، طالبان نظارت‌لریگه بولگن منطقه‌لرده محرمی بیلن تشقری چیققن عیاللرنینگ چپلی کیمه‌سی و شونینگدیک ساچ‌لری هم چادرلرینی آستیدن باشقه بیر کله کبی کورینمه‌سی حقیده آگاه‌لنتیرگن.
طالبان سوزلاوچی‌لریدن بیری قاری یوسف احمدی، مذکور چیکلاولر یرهتیلگنی نی تصدیق‌لب سلام‌وطندارگه ایتیشیچه، افغانستان اجتماع‌سی اسلامی و سنتی دیر و ملت ایسه اسلام بویروغ‌لری و محمدی شریعت بیلن تانیش دیر. اونگه کوره، بو موضوعلرگه چیکلاو دییلمه‌یدی.
