پاکستان تشقی ایشلر وزیری شاه محمود قریشی نینگ ایتیشیچه، افغانستان حقیده اسلامی همکارلیک تشکیلاتی نینگ ییغینی، سعودی عربستان نینگ دعوتی و پاکستان میزبانلیگی بیلن یولگه قوییله‌دی.
قریشی اوشبو ییغین نینگ یولگه قوییلیشی دن مقصد، افغانستان ده اقتصادی بحران و انسانی وضعیت نینگ یمان‌لنیشی نی آلدینی آلیش دیدی. شونده‌ی بیرحالده، سیاسی ایش بیلرمان‌لردن قطاری، اوشبو ییغین پاکستان میزبانلیگی بیلن یولگه قوییلیشی دن راضی ایمس‌لر.
سیاسی ایش بیلرمان‌لردن بیری محب‌الله شریف نینگ ایتیشیچه، پاکستان و سعودی عربستان اوز آٰره‌لریده‌گی رقابت موضوع‌سینی رفع قیلیش ایسته‌یدیلر، شو یوزه‌دن اوشبو ییغین سعودی عربستان ایسته‌گی و پاکستان میزبانلیگی بیلن یولگه قوییله‌دی.
اونینگ ایتیشیچه، اسلامی همکارلیک تشکیلات ییغینی باشقه بیر بی‌طرف مملکتده یولگه قوییلگن صورتده، پاکستان‌دن کوره ایجابی نتیجه بیریشی ممکن. چونکه پاکستان باشقه مجمع‌لرده افغانستان خصوصیده بعضی تکلیف‌لر بیرگن که بو تکلیف‌لرنی هیچ کیم قبول قیلمه‌گن ایدی.
بیزلرنینگ فیسبوک صحیفه‌میزگه باش اورینگ!
شونینگدیک سیاسی ایش بیرلرمان‌لردن باشقه بیری نورشاه نورانی نینگ ایتیشیچه، مذکور ییغین پاکستان اورنیده، باشقه بیر مملکت یا-ده سعودی عربستان ده یولگه قویلسه‌یدی، اونینگ نتیجه‌سی امیدوارلنتیروچی بولیشی ممکن ایدی.
اسلامی امارت، اسلامی همکارلیک تشکیلاتی نینگ افتتاحیه ییغینی‌دن خوش قرشی‌لگن. بیراق حاضرگچه بو ییغین گه اسلامی امارت نماینده‌لیگی دن بیری شرکت قیله‌می یا خیر حاضرگچه بیللی ایمس.
گزارشلر اساسیده، افغانستان حقیده اسلامی همکارلیک تشکیلات ییغینی، اسلامی مملکتلر نماینده‌لری و شونینگدیک بیرلشگن ملتلر نماینده‌لری، آمریکا قوشمه ایالتی، اروپالیک مملکتلر و دنیا بانکی نینگ حضوری بیلن ۱۹- دسامبر پاکستان‌ده یولگه قوییله‌دی.
