افغانستان ایرکین میدیالریدن حمایت قیلووچی نهاد یا-ده نی اجرایی باشلیغی مجیب خلوتگر، مملکت امنیتی وضعیتی یمان بولیشی بیلن، رسانه‌لرنینگ فعالیتی قنده‌یلیگی توغریسیده خواطر بیلدیرگن.
جناب خلوتگر تینچلیک پروسه‌سیده عیاللر، ییگیتلر و رسانه‌لرنینگ نقشی خصوصیده کابل ده یولگه قوییلگن مصلحتی ییغینده ایتیشیچه، آتیشمه‌لر و طالبان هجوم‌لری کوپه‌یشی بیلن مملکتده ۵۱ رسانه باغلنگن.
جناب خلوتگر گه کوره، رسانه‌لردن قطاری باغلنگن بیرحالده، باشقه بیر قطاری ایسه نشراتی پالیسی‌سی نینگ اوزگرتیریش گه زورلنگن.
شونینگدیک افغانستان ایرکین میدیالریدن حمایت قیلووچی نهاد اجرایی باشلیغی نینگ ایتیشیچه، مملکتده اوروش وضعیتی ۱۰ میلیون کیشی نی معلومات گه قول تاپیشدن محروم قیلگن.
بیزلرنینگ فیسبوک صحیفه‌میزگه باش اورینگ!
مملکتده اوروش و زوروانلیکلر کوپه‌یگنی تینچ‌اهالی و حربیلرنینگ تلفاتی کوپه‌یشی گه سبب بولیب و طالبان هجومی کوپه‌یگنی، یشاوچی‌لردن قطاری نی آواره قیلگن. دنیا جماعه‌چیلیگی طالبان گروهیدن تنقید قیلیش بیلن مذکور گروه نینگ زوروانلیک نی توخته‌تیش گه زورلنتیریشی کوتیب توریلگن ایدی، بیراق انسان حقلری تشکیلات‌لری مذکور گروه نینگ عملکردی برابریده جیم تورگن.
طالبان گروهی نینگ اقدام‌لری برابریده بیرلشگن ملتلر تشکیلاتی و دنیا جماعه‌چیلیگی نینگ جیم توریشی تنقیدلرگه روپه‌رو بولگن.
تینچلیک پروسه‌سیده عیاللر، ییگیتلر و رسانه‌لرنینگ نقشی خصوصیده مصلحت ییغین یولگه قویگن‌لردن بیری ماری اکرمی نینگ ایتیشیچه، دنیا جماعه‌چیلیگی و انسان حقلری نهادلری نینگ جیم توریشی اولرنینگ کارکردی نی سوراق آستیده قرار بیرگن.
تینچلیک پروسه‌سی نینگ مصحلحتی ییغین اشتراکچی‌لریدن باشقه بیر قطاری، قطر پایتختی دوحه ده افغانستانلیکلرارا سوزلشوولرنینگ آلغه کیتمه‌گنیدن تنقید قیلیب ایتیش‌لریچه، مملکتده زوروانلیکلر کمه‌یشی و اوروش یکونله‌نیشی اوچون ایکی تامان جنجل‌لرنی سوزلشوو آرقه‌لی حل قیلیب و اهالی نینگ جدی نیازی بولگن آتیش کیسین گه تن بیریش‌لری کیره‌ک.
