پاکستان رسانه‌لری گزارش بیرگن که اوشبو مملکت افغانستان گه انسان دوستلیک یاردملری نینگ دوامیده، بو مرته افغانستان یشاوچیلری گه دارو یاردم بیره‌دی.
دان کونده‌لیگی بوگون پاکستان صنعتی منبع‌لردن نقل قیلیب ایتیشیچه، افغانستان جدی ساغلیک قیین‌چیلیک بیلن روپه‌رو بولگن و شو یوزه‌دن یاردملری نینگ یانیده، بو مملکت گه رایگان دارو ترقه‌تیش نی هم باشله‌گن.
دان کونده‌لیگیده کیلیشیچه، ۲۵ میلیون پاکستان کلدار ارزشی گه بیرینچی دارو محموله‌سی کراچی‌دن ویروس گه چلینگن کسل‌لرنینگ درمانلش، کیکسه کیشیلر آره‌سیده رایج کسل‌لیک اوچون معمولی دارولر یوباریلگن. شونیگدیک بو یاردم‌لر آره‌سیده ویلچر و ساغلیک وسیله‌لر هم شامل دیر.
بیزلرنینگ فیسبوک صحیفه‌میزگه باش اورینگ!
مذکور کونده‌لیک نینگ کوپه‌یتیریشیچه، شونینگدیک بیر یا-ده ایکی هفته‌گچه ۱۰۰ میلیون کلدار ارزشی گه باشقه محموله‌لر افغانستان گه کیلیشی گه قرار آلینگن.
اوشبو یاردم‌لر یوباریلگن بیرحالده، بوندن آلدین دنیا ساغلیک تشکیلاتی افغانستان ساغلیک سیستم نابود بولیش عرفه‌سیده قرار تاپگنی توغریسیده آگاه‌لنتیرگن ایدی. اسلامی امارت رسمی‌لری حاضرگچه بو توغریده هیچ بیرنرسه دیمه‌گن.
