اوروش میدانی گه بارگن قندهار حاکمی روحالله خانزاده و بو ولایت پولیس قومندانی محمدسالم احساس خبرچیلر بیلن صحبت اوتکزیب ایتیشلریچه، بوگون ایرتهلب قندهار شهری و بو ولایت مرکزی قماقخانهسی نینگ نظارت گه آلیش هجوم اویوشتیرگن طالبان جنگریلری شهردن تشقری هیدلگن.
قندهار رسمیلری بو ولایت یشاوچیلریگه طالبان نینگ یالغیز شهر دن ایمس بلکیم تومنلردن هم چیقاریشلری توغریسیده ایشانچ بیرگن. قندهار حاکمی نینگ اورغولشیچه، امنیتی و مدافعه کوچلر بوتون اویغونلیک بیلن مملکت و اهالیدن مدافعه قیلیش گه تیارگرلیکلری بار و وضعیت نی برهم اوریش اوچون هیچ کیم گه رخصت بیرمهیدیلر.
بیزلرنینگ فیسبوک صحیفهمیزگه باش اورینگ!
شوندهی بیرحالده، طالبان جنگریلریدن قطاری بوگون ایرتهلب قندهار شهری نینگ اطرافیدگی پوستهلر و کمربندلردن قطاری نی سیندیریب و شهر گه کیرگن ایدیلر؛ بیراق اولر امنیتی و مدافعه کوچلرنینگ قرشی هجوملریگه روپه بولیشگن.
ایتیلیشیچه، بو آتیشمهلرده طالبان گه هم تلفات ییتیشگن؛ بیراق اونینگ بیللی رقمی اعلام ایتیلمهگن.
شوندهی بیرحالده، طالبان ایکی کون آلدین بادغیس مرکزی قلعهنو شهریگه هجوم قیلیش بیلن بو شهرگه کیرگن ایدی؛ بیراق امنیتی کوچلرنینگ قرشی هجومی بیلن آرتده اوریلگن ایدی.
