مملکت وضعیتی یمان بولیب و ایشلر وضعیتی برهم اوریلگنی بیرحالده اون، برنج، شکر و باشقه ییگولیک ماده‌لرنینگ قیمتی یوقاری کیتگن که بو موضوع پایتخت یشاوچیلری نینگ خواطرلنتیرگن.
کابل یشاوچیلری نینگ ایتیش‌لریچه، امنیتی وضعیت یمانلنگنی سبب ییگولیک ماده‌لر نینگ قیمتی یوقاری کیتگن. اولرنینگ کوپه‌یتیریش‌لریچه، طالبان هجوم‌لری و گمرکلر طالبان نظارتی گه اوتگنی باعث، ییگولیک ماده بهاسی یوقاری کیتگن.
کابل یشاوچیسی شفیع نینگ ایتیشیچه، ییگولیک ماده‌لرنینگ قیمتی ایکی برابر بولگن.
اونینگ کوپه‌یتیریشیچه، بوندن آلدین ۵ کیلولیک بیر قطی یاغ نی۴۳۰ افغانی آلر ایکن بیراق حاضر بیر قطی یاغ نینگ بهاسی ۷۳۰ افغانی‌گه یتیشگن.
کابل شهریده ییگولیک ماده‌لرنینگ عمده ساتوچی‌لری، پایتخت یشاوچیلری نینگ بیانات‌لرینی تصدیق‌لب و ایتیش‌لریچه، بازارنینگ وضعیتی حکومت تامانیدن کنترول ایتیلمه‌گنی باعث کابل ده ییگولیک ماده‌لر بهاسی یوقاری کیتگن و سوداگرلر هم ییگولیک ماده‌لر نی ایسته‌گن قیمت‌لرگه دوکاندارلر و عمده ساتوچی‌لرگه ساته‌دیلر.
کابل شهری نینگ عمده ساتوچی‌لریدن بیری ستار نینگ ایتیشیچه، افغانی برابریده دالر نینگ بهاسی یوقاری کیتگنی، ییگولیک ماده‌لر بهاسی کوپه‌یگنی نی اصلی دلیل‌لریدن بیری دیر.
اونینگ کوپه‌یتیریشیچه، ییگولیک ماده‌لر نینگ قیمتی کوپ یوقاری کیتگن و ۵۰ کیلولیک بیر بوجی اون، ۱ مینگ و ۸۰۰ افغانی‌گه یتیشگن.
بیزلرنینگ فیسبوک صحیفه‌میزگه باش اورینگ!
عین حالده، کابل شهری نینگ ییگولیک ماده‌لر سوداگرلری نینگ بیرلشمه باشلیغی فرید صافی، امنیتی وضعیتی یمانلنگنی و دالر برابریده افغانی پول بهاسی قویی کیلگنی نی ماده‌لر قیمتی یوقاری کیتگنی نینگ اصلی دلیلی دیگن.
شونینگدیک جناب صافی ییگولیک ماده‌لر بهاسی یوقاری کیتگنی نی تصدیقله‌گن.
پایتخت یشاوچیلر نینگ شکایت‌لری توغریسیده مسئول نهادلرنینگ فکرلری نی آلیش ایسته‌دیک، بیراق موفق بولمه‌دیک.
شونده‌ی بیر حالده، افغانی پول بهاسی دالر برابریده کوپ قویی کیلگن. بوگون ایرته‌لب کابل بازاریده بیر امریکالیک دالر ۸۳ افغانی گه تبادله بولدی، لیکن توشدن کیین شهزاده سراییده بیر دالر بهاسی ۹۵ افغانی‌گه یتیشدی.