تخار یشاوچی‌لری نینگ ایتیش‌لریچه، طالبان عیاللرگه چیکلاو یره‌تیش گه علاوه، بو مرته فوتبال قیله‌دیگن ییگیت‌لردن سپورت کییم‌لری نینگ کییش‌دن واز کیچیب و کویلک بیلن سپورت قیلیش‌لرینی سوره‌گن.
اولرنینگ ایتیش‌لریچه، بولرگه علاوه محرمی بولگن عیاللر شهر و بازارلرگه کیلیب-کیته آلمه‌یدی و شونینگدیک طالبان جنگری‌لریدن بیری دشت‌قلعه یشاوچی‌لریگه، فرزندلری نینگ اولکه‌دن تشقری کیتیشی گه توسیق بولیب و اونینگ اورنیده فرزندلرینی مدرسه‌لرگه گه یوباریش‌لرینی ایتگن.
بیزلرنینگ فیسبوک صحیفه‌میزگه باش اورینگ!
تخار محلی اداره سوزلاوچیسی حامد مبارز، طالبان نظارتیده‌گی منطقه‌لرده بونده‌ی چیکلاو یره‌تیلگنی نی تصدیقله‌گن.
بیراق طالبان سوزلاوچیسی ذبیح‌الله مجاهد بو سوزلرنی اساس‌سیز دیب و ایتیشیچه، بو گروه نظارت‌لریده‌گی منطقه‌لرده، کونسایین امنیت یخشی‌لنماقده و بو منطقه‌لرده آذیق-آوقت بهاسی کوپ ارزان دیر.
دشت‌قلعه یشاوچی‌لری نینگ بیاناتی اساسیده، بو تومن طالبان قولیگه سقوط قیلگنیدن کیین، طالبان قورقوو و ایش‌سیزلیک باعث مهاجرلیککه یوز کیلتیریب و عایله‌لرهم اوی و جای‌لرینی ترک قیلیش بیلن، ولایتلر مرکزی یا پایتخت گه باریش‌لری اوچون حرکت قیلماقده.
