اروپا بیرلشمه‌سی اعلام قیلگن که بو بیرلشمه گه اعضا ۱۵ مملکت افغانستان یشاوچی‌لریدن ۴۰ مینگ ته‌سینی قبول قیلیش خصوصیده کیلیشگن. اروپا بیرلشمه‌سی نینگ ایچکی ایشلر کمیساری یلوا یوهانسون، اوتگن کون مذکور بیرلشمه گه اعضا مملکت‌لری نینگ ایچکی ایشلر و عدلیه وزیرلری نینگ ییغینیدن کیین یولگه قوییلگن خبری ییغنیده، بو خبرنی اعلام قیلگن.
فرانسه خبرگزارلیگی نشر قیلگن سند اساسیده، آلمان ۲۵ مینگ کیشی، هالند ۳ مینگ و ۱۵۹ کیشی، اسپانیا و فرانسه هر بیری ۲ مینگ و ۵۰۰ کیشی نی قبول قیله‌دی. شونینگدیک باشقه قطار مملکتلر هم قطار کیشیلرنی قبول قیلیش گه قرار قیلگن. اروپا بیرلشمه‌سی نینگ ایچکی ایشلر کمیساری نیننگ ایتیشیچه: «مین فکر قیله‌من که بو بیرلشمه اوچون یخشی بیر اقدام دیر.»
بیزلرنینگ فیسبوک صحیفه‌میزگه باش اورینگ!
باش پناه ایزلاوچیلر ایشلر بوییچه بیرلشگن ملتلر تشکیلاتی نینگ عالی کمیساری بوندن آلدین، اروپا بیرلشمه‌سیدن ۵ ییل جریانیده افغانستان یشاوچی‌لریدن ۴۵ مینگ ته‌سینی قبول قیلیشی نی سوره‌گن ایدی؛ بیراق بو بیرلشمه گه اعضا مملکتلر قرشی‌لیک کورستگن ایدی.
گزارشلر اساسیده، افغانستان یشاوچی‌لریدن کمیده ۸۵ مینگ ته‌سی اروپا بیرلشمه‌سیگه یقیین مملکت‌لرگه قاچیب بارگن. بوندن آلدین اروپا بیرلشمه‌سی نینگ مهاجرتی بیر نهادی اعلام قیلگن ایدی که، افغانستان یشاوچی‌لری نینگ باش‌پناه خصوصیده‌گی ایسته‌کلری ۷۲ فایز یوقاری کیتگن.
