فاریاب ولایتی کینگش اعضالری و اندخوی، قرغان، قرمقول و خانچارباغ تومن یشاوچی‌لری نینگ ایتیش‌لریچه، ۱۰ کوندن بویان بو تومن‌لرده مخابراتی ترماقلر فعالیتی کیچه‌وکوندوز کیسیلگن و اهالی کوپینچه قیینچلیکلر بیلن روپه‌رو بولگن.
اندخوی تومن یشاوچیسی اکرام‌الدین نینگ سلام‌وطندارگه ایتیشیچه، مخابراتی ترماقلر فعالیتی کیسیلگنی اهالی نینگ کوپینچه قیینچلیکلر بیلن روپه‌رو قیلگن و اولر هیچ کیم بیلن علاقه گه اوته آلمه‌یدیلر. اونگه کوره، بیرار کیشی بیلن علاقه گه اوتماق ایسته‌گنده، جوزجان نینگ «حدبخشی» منطقه‌سیده کیلیش گه زورلنه‌دیلر.
بیزلرنینگ فیسبوک صحیفه‌میزگه باش اورینگ!
عین حالده، فاریاب ولایتی کینگش اعضاسی آق‌محمد نوری نینگ ایتیشیچه، اندخوی، قرغان، قرمقول و خانچارباغ تومن یشاوچی‌لری نینگ تشقری بیلن علاقه‌لری بوتونلی کیسیلگن و بو اهالی اوچون کتته بیر قیینچلیک دیر.
فاریاب ولایتی کینگش اوشبو اعضاسی نینگ کوپه‌یتیریشیچه، مخابراتی ترماقلر جهازلرینی عرضه قیله‌دیگن کسبه‌کارلر، بوتونلی ایش‌سیز بولگن و دکان‌لری ایسه باغلنگن.
عین حالده، فاریاب مخابرات باشلیغی محمدیونس شفق بو توغریده هیچ بیر نرسه دیمه‌گن.
