بادغیس مسئوللری نینگ ایتیش‌لریچه، بو ییل ممکت غربی اینیقسه بو ولایتده کوپ قوروق بیر ییل دیر. بادغیس ایکینچلیک ریاست باشلیغی عبدالتواب نایب نینگ سلام‌وطندارگه ایتیشیچه، بو ولایت مرکزی و بوتون تومن‌لریده قورغاق‌چیلیک نینگ نشانه‌لری کورینه‌دی.
بادغیس ایکینچیلیک ریاست باشلیغی گه کوره، نیچه کوندن بویان بو اداره نینگ تیم‌لری جاری ییلده قورغاق‌چیلیک میزانی نینگ تیکشیریش بیلن شغللنماقده. عبدالتواب نایب نینگ کوپه‌یتیریشیچه، بو ییل اوشبو ولایتده ۶۰ مینگ دن آرتیق هکتار ییرگه للمی ایکیلگن ایکن، بیراق یامغیر یاغمه‌گنی باعث حاصل بیرمه‌گن.
بیزلرنینگ فیسبوک صحیفه‌میزگه باش اورینگ!
بادغیس ایکینچیلیک ریاست باشلیغی گه کوره، اوتگن ییل و بو ییل اوشبو ولایتده ۲۳۰ میلی متر یامغیر یاغگن، بیراق بو یامغیر دهقان‌لرنینگ احتاجی بولگن زمانده یاغمه‌گن و شو یوزه‌دن للمی ییرلرگه اونچه‌لیک فایده‌لی تمام بولمه‌گن.
شونینگدیک بادغیس ایکینچی‌لری هم جاری ییلده قورغاق‌چیلیک فاجعه‌سی توغریسیده خواطر بیلدیریب و ایتیش‌لریچه، بو ییل ییرلریدن هیچ قنده‌ی حاصل قولگه کیلتیرمه‌گنلر.
بادغیس ایکینچی‌لریدن بیری غلام مودود نینگ ایتیشیچه، بو ییل للمی ییرلریده بوغدای، نخود، اَرپه و تربوز ایککن ایکن؛ بیراق هیچ بیری حاصل بیرمه‌گن. قورغاق‌چیلیک باعث بادغیس تومن‌لریدن بو ولایت مرکزی قلعه‌نو شهریده بدرغه بولیب کیلگن کیشیلر، قشاقلیک، ییر و آوقت یوقلیگیدن شکایت قیلیشگن.
بیزلرنینگ توییترده هم تعقیب قیلینگ!
عین حالده، بادغیس مهاجرلر ریاست مسئوللری نینگ سلام‌وطندارگه ایتیش‌لریچه، جاری ییل باشلنگنیدن بویان کمیده ۶۵۰ عایله قورغاق‌چیلیک و ناتینچلیک باعث بو ولایت تومن‌لریدن قلعه‌نو شهریده آواره بولیب کیلگن. اولرگه کوره، قلعه‌نو شهریده آواره‌لرنینگ سانی انیق‌لنگنیدن کیین همکار نهادلر تامانیدن یاردم صورت تاپگن.
