مملکت شمالی و شمالی شرقی ولایت‌لریده امنیتی کوچلر و طالبان گروهی آره‌سیده‌‌گی آتیشمه‌لر باعث، یوزلرچه یشش اوی تخریب و مینگ‌لرچه کیشی ایسه آواره بولگن.
مذکور آواره‌لردن کوپینچه‌سی حاضر کابل شهری نینگ سرای شمالی و شهرنو پارکی ده حیات کیچیریب کیلماقده.
آواره‌لر یمان بیر وضعیتده خیمه‌لر آستیده و آچیق فضاده یشه‌یدی و اهالی و یاردمچی نهادلر تامانیدن آواره‌لرگه کیلتیریله‌دیگن یاردملر، پارک دن تشقری چور بوله‌دی.
۳۵ یاشر تازه‌خان قندوز ولایتی نینگ اصلی یشاوچیسی دیر و اوچ کون آلدین مذکور ولایت طالبان نظارتی گه اوتیشی بیلن، کابل گه آواره بولدی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، محل یشاوچی‌لری اولرگه ییگولیک ماده و شونینگدیک باشقه موادلر تیارله‌گن؛ بیراق حکومت حاضرگچه اولرگه هیچ قنده‌ی یاردم بیرمه‌گن.
اوشبو اوروش آواره‌سی نینگ کوپه‌یتیریشیچه، سرای شمالیده‌گی آواره‌لرنینگ آره‌سیده قطار کابل یشاوچی‌لری هم شامل دیر که اولر آواره‌لرنینگ آتی‌دن یمان فایده‌لنه‌دی.
حمیرا آواره‌لردن باشقه بیری دیر که او تخار دن کابل شهری گه کیلگن. اونینگ ایتیشیچه، یالغیز بیر خیمه‌دن باشقه که او هم مردمی بیر نهاد تامانیدن یاردم بیریلگن، باشقه هیچ قنده‌ی یاردم بیریلمه‌گن.
اونینگ ایتیشیچه، نماینده‌لر کینگش اعضالریدن قطاری کیلیب و آواره‌لرگه یاردم بیریش بهانه‌سی بیلن فیسبوکی رسم آله‌دیلر؛ بیراق آواره‌لرگه هیچ قنده‌ی یاردم بیرمه‌یدیلر.
طبیعی حادثه‌لرگه قرشی کوره‌ش ایشلری بوییچه دولت وزیرلیگی سوزلاوچیسی احمدتمیم عظیمی نینگ ایتیشیچه، وضعیت یمان بولگنی اوچون تنیق‌لیک تأمین بولمه‌یدی؛ چونکه آواره‌لرنینگ سانی کوپه‌یشی باعث مستحق آواره‌لرنینگ تنلش قیین بوله‌دی.
جناب عظیمی گه کوره، سونگی ایکی آیده کمیده ۱۷ مینگ عایله اوروش باعث کابل گه آواره بولگن.
شمال و شمال شرقی ولایت‌لرده اوروش و زوروانلیک میزانی کوپه‌یگنی باعث قطار کیشیلر کابل گه آواره بولگن که حاضرگچه اولرگه جدی توجه قیلینمه‌گن.