اسلامی امارت ترانسپورت و هوا یوللر وزیرلیگی، بوگون بیر اطلاعیه ترقه‌تیش بیلن، پاکستان خلق‌ارا هوا یوللری (پی‌آی‌ای) و کام‌ایر هوایی شرکتی دن کابل-اسلام‌آباد، تکت‌لری قیمتی نینگ قویی کیلتیریش‌لرینی سوره‌گن.
مذکور وزیرلیگ نینگ اطلاعیه‌سیده کیلیشیچه، مذکور یوللر تکتی نینگ قیمتی، هوایی شرکتلر آرقه‌لی اسلامی امارت قدرت گه ایریشمه‌گنیدن آلدین که قیمت اساسیده تنظیم‌لنیشی کیره‌ک.
اوشبو اطلاعیه‌ده نافرمان‌لیک قیلینگن صورتده، کابل-اسلام‌آباد یولیده پاکستان نینگ (پی‌آی‌ای) و کام‌ایر هوایی شرکتی نینگ پروازلری توخته‌تیلیشی توغریسیده آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
شونینگدیک ترانسپورت و هوایوللر وزیرلیگی، یولاوچیلر و مراجعتچی‌لردن، تکت‌لرنینگ قیمتی یوقاری بولگن صورتده، بو وزیرلیک بیلن همکارلیک قیلیب و سند ارایه قیلیش‌لرینی سوره‌گن.
شونده‌ی بیرحالده، بوندن آلدین پاکستان گه سفر قیلگن یشاوچیلر، پاکستان خلق‌ارا هوا یوللری و کام‌ایر شرکتی نینگ تکت‌لرینی قیمتی مثالی کوریلمه‌گن درجه ده یوقاری کیتگنی نی ایتگن ایدیلر.
یشاوچی‌لرنینگ ایتیش‌لریچه، سابق اوشبو یولده پاکستان خلق‌ارا هوا یوللری نینگ تکتی نی قیمتی ۱۵۰ الی ۲۰۰ دالر ایکن که سونگی کونلرده ۲ مینگ و ۵۰۰ دالر گچه کوپه‌یگن.