ترکیه صباح کونده‌لیگی نینگ گزارش بیریشیچه، افغانستانلیک پناه ایزلاوچی بیر عیال ایکی باله‌سی بیلن ایران چیگره‌سیدن ترکیه گه اوتیش نیتیده ایکن که یولده هوا ساووقلیگی باعث جان بیرگن.
گزارش ده ترکیه رسمی‌لریدن نقل قیلینیب کیلیشیچه، اوشبو عیال ایران نینگ «بلاسور» قیشلاغیده ایکی مملکت آره‌سیده‌گی چیگره ده جان بیرگن. گزارشلر اساسیده، مذکور عیال نینگ ۸ یاشر و ۹ یاشر ایکی باله‌سی واقعه یقینلیگیده‌گی بیر قیشلاقده پناه آلگن.
محل یشاوچی‌لری تامانیدن نشر ایتیلگن رسم‌لرنینگ کورستیشیچه، بو آنه‌نینگ ایاغی پلاستیک بیلن باغلنگن و اونینگ جوراب‌لری ایسه باله‌لری نینگ قوللری گه کیدیریلگن ایکن.
بیزلرنینگ فیسبوک صحیفه‌میزگه باش اورینگ!
عین‌حالده، ترکیه وان قومندانلیگی دفتری نینگ ایتیشیچه، مذکور مملکت انتظامی واحدلری تامانیدن هیچ قنده‌ی بیر واقعه روی‌خط گه آلینمه‌گن و اوتکزیلگن تیکشیروو اساسیده، اوشبو واقعه ترکیه چیگره‌سی نینگ یقیینلیگیده ایران نینگ بلاسور قیشلاغیده یوزبیرگن.
افغانستان اسلامی امارتی نینگ قدرت گه ایریشگنیدن کیین، یشاوچی‌لردن قطاری مملکت نی ترک قیلیش نی ایسته‌گن. ناقانونی یوللرنی تنله‌گن پناه ایزلاوچی‌لردن کوپینچه‌سی، مملکتلر چیگره کوچلری نینگ ناتوغری برخوردلری بیلن روپه‌رو بولیشه‌دی.
باشقه بیرتاماندن، اروپایی مملکت‌لردن قطاری افغانستان مهاجرلرنینگ ینگی تولقینی توغریسیده آگاه‌لنتیریب و دنیا جماعه‌چیلیگی دن مذکور مملکت‌لرگه کینگ مهاجرلیک نینگ آلدینی آلیشی نی سوره‌شگن.
