آمریکالیک بیر دیپلومات نینگ سلام‌وطندارگه ایتیشیچه، آمریکا قوشمه ایالاتی افغانستان ده مذکور مملکت ایلچی‌خانه‌سی و کابل هواقونالغه‌سیده‌گی اولرنینگ باشقه امکانیت‌لری نینگ خوفسیزلیگی نی تأمین‌لش اوچون، کمیده ۶۰۰ آمریکالیک حربی افغانستان ده قاله‌دی.
اوشبو آمریکالیک دیپلومات نینگ اورغولشیچه، برچه افغانستان تینچلیک پروسه‌سی نینگ دوام تاپیشی دن ناامید دیر و آمریکا قوشمه ایالاتی منطقوی بیرلشیک‌لری نینگ یاردمی بیلن طالبان نینگ معنالی سوزلشوولرنی دوام بیریش گه قانیقتیریش اوچون سعی و حرکت قیلماقده.
مذکور آمریکالیک دیپلمات نینگ کوپه‌یتیریشیچه: «تینچلیک سوزلشوولری آلغه کیتمه‌سی اوچون برچه ناامید بولگن. طالبان تکلیفی بیر ریجه بیلن تینچلیک سوزلشوولریده شرکت قیلیشی اوچون سعی و حرکت قیلیندی، استانبول تینچلیک ییغینیده شرکت قیلیش اوچون طالبان نینگ قیزیقمه‌گنی و کوچسیزلیگی و اولرنینگ جدی عملکردی دنیا جماعه چیلیگی و افغانستان دولتی نی ناامید قیلگن. بیزلر قطر، پاکستان و نهایتده روسیه و چین شامل منطقوی بیرلشیک‌لریمیز بیلن ترویکا حرکتلری دوامیده، طالبان نینگ معنالی بیر سوزلشووگه سهیم قیلیش گه زورلنتیریش اوچون ایریم یوللرنینگ اوستیگه ایش قیلماقده‌میز.»
شونده‌ی بیرحالده، بوندن آلدین، اسوشیتد پرس آمریکالیک رسمی‌لردن نقل قیلیب گزارش بیریشیچه، چیت‌ایللیک کوچلرنینگ چیقیش پروسه‌سی یکونلنگنیدن کیین، افغانستان ده آمریکالیک دیپلماتلرنینگ خوفسیزلیگی نی تأمین‌لش اوچون ۶۵۰ آمریکالیک حربی قالیشی ممکن.
آمریکالیک کوچلرنینگ افغانستان دن چیقیش پروسه‌سی، آلدین دن اعلام ایتیلگن برنامه اساسیده جاری ییل ۱۱- سپتامبرگچه یکونله‌نیشی ممکن.
