فاریاب محلی مسئول‌لری نینگ ایتیشلریچه، اوشبو ولایت نینگ کوهستان تومنی «دوکانچه» قیشلاغی یشاوچیسی سید مهدی نینگ اوغلی محمد، اسلامی امارت کوچلری‌گه اعضا بولگن ایکی فرزندی و کیچیک یاشلی قیزی بیلن میمنه-کوهستان یولی‌ده قار کوپ یاققنی باعث یولنی ییتیریب و لادرک بولگن‌لر.
فاریاب معلومات ومدنیت ریاست باشلیغی شمس‌الله محمدی نینگ ایتیشیچه، بوعایله نینگ تورت عضوی میمنه دن کوهستان تومنی تامان بارر ایکن اوشبو تومن نینگ «سه‌دهنه» منطقه‌سیده طوفان ده بند قالیب یولنی ییتیرگن.
اونینگ کوپیتیریشیچه، محل یشاوچیلری ایککی کوندن بویان اسلامی امارت کوچ‌لری همکارلیگی بیلن اولرنی قیدیرماقده، حاضرگه قدر بوکیشی‌لردن هیچ بیراثر تاپمه‌گن‌لر واحتمالی بار جان بیرگن بولسه‌لر.
عین‌حالده، بیرمنبع نینگ ایتیشیچه، فاریاب امنیه قومندانی اسلامی امارت نینگ پشتونکوت، گرزیوان و کوهستان ده‌گی کوچلری‌گه، لادرک بولگن‌لردن اثر تاپیلگونگه قدر قیدیرولری گه دوام بیریش‌که بویروغ بیرگن.
کوهستان تومنی نینگ قتناو یولی قاریاغیشی بیلن هر ییلی باغلنه‌دی و اوشبو تومن یشاوچیلری قیش فصلی‌ده آغیر قار یاغیشی سبب کوپینچه جانی و مالی قربان‌لیک بیره‌دیلر.
